Úmitker saılaýshylarmen kezdesti

Jalpyulttyq sosıal-demokratııalyq partııa atynan Parlament Májilisi depýtattyǵynan úmit­ker, partııanyń oblystyq fılıalynyń tóraǵasy Mı­rambek Kamalov bir top aqtóbeliktermen kezdesti. Kezdesý barysynda ol partııanyń saılaýaldy baǵdarlamasyna jan-jaqty toqtalyp, onyń basym baǵyttaryn tarqata áńgimeledi. Onyń aıtýynsha, JSDP atalmysh saılaý dodasyna partııalastarymen qatar, tanymal azamattyq qoǵam ókil­derin jumyldyra otyryp túsip otyr. Tizimde sondaı úmitkerlerdiń bolýyn úlken qoldaýdyń nyshany retinde baǵa­lady. Ol partııalyq tizimge JSDP atynan 23 úmitker engizilgenin, olardyń ortasha jasy 54,7 ekenin, túgeldeı joǵary bilimdi ekenin alǵa tartty. Saı­laýaldy baǵdarlamada elimizdegi birqatar kókeıkesti máselelerdi sheshýge uıytqy bolý kózdeletinin jetkizdi. Májiliske ótken jaǵdaıda par­tııa­nyń azyq-túlik pen dári-dármekke baǵa­­nyń ósýine, kommýnaldyq qyzmet tarıfteriniń kóterilýine jol beril­meýine, ishki rezervterdi izdestirý ná­tıjesinde eńbekaqy men zeınet­aqyny kóterýge, memlekettik qyzmet­ti ońtaılandyrýǵa yqpal etýge um­tylatynyn atap ótti. «Qazir saılaýal­dy úgit-nasıhat jumystary qarqyn ala bastady. Biz partııanyń saılaýaldy baǵdarlamalaryn túsindiretin gazet, plakat jáne paraqshalar túrindegi úgit-nasıhat materıaldaryn taratýdy bastadyq. Sondaı-aq, shalǵaı aý­dan­dardaǵy saılaýshylarmen kezdesýler ótkizilýde. Jaqynda ǵana Oıyl, Temir aýdandarynda boldyq, JSDP-nyń saılaýaldy baǵdarlamasyn túsindirip qaıttyq. Mundaı jumystardy barlyq aýdandarda ótkizý kózdelýde. Kúni keshe ǵana qaladaǵy bir top ardagermen júzdesip, aldaǵy saılaýǵa baılanys­ty keleli keńes quryldy. Eń basty basqosý ústimizdegi jyly naýryz aıynyń ortasyna taman JSDP tóralqa músheleriniń qatysýy- men ótetin shara», – dedi M.Ka­ma­lov. Jal­pyulttyq sosıal-demokra­tııa­lyq par­tııa atynan Parlament Máji­li­si de­pý­tattyǵynan úmitker, partııa­nyń ob­lystyq fılıalynyń tóraǵasy M.Kama­lov sóziniń sońynda partııanyń saılaý­aldy baǵdarlamasynda halyqaralyq sosıal-demokratııa ıdeıasynyń ozyq tustaryn suryptap paıdalana otyryp, qoǵam ıgiligi qaǵıdattaryna negizdelgen birqatar sharalar kesheni usynylatynyn kóldeneń tartty. Kezdesýde sóz alǵan qala turǵyny A.Jaı­­­sańbaev, «M-Tehchservıs» JShS-niń ope­­ratory Bekbolat Qalaýbaıuly Jal­­pyulttyq sosıal-demokratııalyq par­­tııanyń saılaýaldy baǵdarlamasyna baı­lanysty ózindik oı-tujyrymdaryn ortaǵa saldy. Kezdesýde budan basqa da máseleler tóńireginde áńgime boldy. Satybaldy SÁÝIRBAI, «Egemen Qazaqstan». Aqtóbe oblysy.