Astyqty ólkedegi alqaly jıyndar

Keshe «Nur Otan» partııasy Tóraǵasynyń bi­rinshi orynbasary Asqar Myrzahmetovtiń bas­shylyǵymen partııanyń respýblıkalyq saılaýaldy shtabynyń ókilderi Qostanaı oblysyndaǵy metallýrgııa kombınatynyń, aýylsharýashylyq birlestikteriniń jáne kondıter fabrıkasynyń eńbek ujymdarymen kezdesýler ótkizdi. Úgit-nasıhat toby quramynda Par­la­ment Májilisi V shaqyrylymynyń depýtattary Nurlan Ábdirov, Baqytjan Er­taev, Irına Aronova, sonymen qatar, «Qazaqstan múgedekter konfedera­sııasy» birlestiginiń prezıdenti Ja­nat Omarbekova, Halyqaralyq bız­nes ýnıversıtetiniń prezıdenti Ken­je­ǵalı Saǵadıev, «Alpamys» aıaq kıim fabrıkasy» JShS dırektory Al­ma­gúl Saýdenova, «Svetnaıa» JShS quryltaıshysy Ivan Klımenko jáne ta­ǵy basqalary bar. Kezdesý aıasynda «Sokolov-Sarybaı taý-ken baıytý óndiristik birlestigi» JShS-niń alańynda 500-ge jýyq adam­nyń qatysýymen aldaǵy saılaýǵa ar­nalǵan arnaıy mıtıng ótti. TMD kóle­minde temir kentas shıkizatyn óndiretin iri kásiporynda 100 paıyzdyq temir ken­di jentek óndirip, shıkizattyń 22 paıy­zy eksportqa shyǵarylady. «Kórip turǵa­ny­myzdaı, 16 myńnan astam adam ju­mys isteıtin zaýytta jaǵdaı turaqty. Ekonomıkalyq qıyndyqtarǵa qaramastan, memlekettik qoldaýdyń nátı­jesinde elimiz boıynsha metallýrgııa keshe­nindegi óndiris kólemi ótken jyly 14 paıyzǵa ulǵaıyp otyr», – dedi óz sózinde Asqar Isabekuly. Al «Altynsarıno» JShS-niń sharýalarymen kezdesý barysynda shtab jetekshisi aldaǵy ýaqytta agrarlyq sek­tordy oń ózgerister kútip turǵanyn alǵa tartty. 2015 jyly oblysta dándi-daqyl­dardyń barlyq kólemi 4 mln. tonnany qurasa, bul respýblıka boıynsha eń jo­ǵary kórsetkish boldy. Jalpy, azyq-túlik óndirý jóninen Qostanaı res­pýblıka boıynsha úshinshi orynda kóri­nedi. Munda búkil ónimniń 11 paıyzy óndiriledi eken. Taǵy bir erekshe atap keterligi, oblys bıýdjetiniń 53%-y (83,8 mlrd. teńge) áleý­mettik salaǵa jumsalady. 2011-2015 jyl­dar aralyǵynda bilimge baǵyttalǵan qara­jat kólemi 1,6 esege (29,9 mlrd.-tan 47,3 mlrd. teńgege), al densaýlyq saq­taý salasyna 1,5 esege (19,4 mlrd.-tan 29,1 mlrd. teńgege) artqan. О́ńirde 6 mek­tep, 2 mektepke deıingi mekeme jáne 18 densaýlyq saqtaý nysany boı kó­ter­gen. Jıynǵa kondıterlerden ózge Qostanaılyq polıtehnıkalyq kolledj ujymy da qatysty. Al óńirge arnaıy kelgen respýblıkalyq saılaýaldy shtab ókilderiniń sapary áleýmettik qorǵaý máselesimen aınalysýǵa daǵdylanǵan úkimettik emes uıym ókilderimen «Nur Otan» partııasynyń oblystyq fılıalyndaǵy kezdesýmen aıaqtaldy. Asqar TURAPBAIULY, «Egemen Qazaqstan». QOSTANAI.