Keshe Konstıtýsııalyq Keńes tóraǵasy I.Rogov Qazaqstan Respýblıkasyndaǵy parlamenttik saılaýdy qadaǵalaý boıynsha EQYU/ DIAQB mıssııasynyń basshysy Borıs Frles pen onyń quqyqtyq máseleler boıynsha keńesshisi Megan Fıtjeraldy olardyń ótinishteri boıynsha qabyldady.
I.Rogov áńgimelesýshilerine saılaý prosesi salasynda Konstıtýsııalyq Keńestiń ókilettikteri jáne sheshimderi týraly habardar etti. О́z kezeginde, Borıs Frles myrza aǵymdaǵy jylǵy 17 aqpannan bastap Parlament Májilisi depýtattarynyń saılaýyn qadaǵalaýǵa resmı kirisken mıssııanyń maqsattary men mindetteri týraly aıtyp berdi.
Taraptar, sondaı-aq, saılaý sharalaryn ótkizý prosesinde Konstıtýsııanyń jáne saılaý zańnamalarynyń normalaryn tolyqqandy iske asyrý máselelerin talqylady. Demokratııalyq saılaýdyń halyqaralyq standarttaryn ustanýǵa basa nazar aýdaryldy, dep habarlady Konstıtýsııalyq Keńestiń baspasóz qyzmeti.