AQMOLA. 28 aqpan. Aqmola oblysyndaǵy Atbasar aýdanynda bıyl qar jyldaǵydan 1,5-2 ese kóp tústi. Bul týraly oblys ákiminiń baspasóz qyzmetine silteme jasaǵan egemen.kz tilshisi habarlady.
Osyǵan baılanysty búginde Atbasarda sý basý qaýpi bar jerlerdegi nóser sýyna arnalǵan káriz júıesiniń sý aǵyzý astaýlaryn qardan tazalaý jumystary júrgizilýde.
Jalpy, 2016 jyldyń 22 aqpanyndaǵy jaǵdaı boıynsha aýdannyń ortalyq alańynan, Sh. Ýálıhanov, A. Qurmanov, Qýanyshev, Qazaqstan, L. Belash, Vedeneev, Seıfýllın, Jeńis, Radıoýzelnaıa, Áýezov, Chkalov, K. Ámirov, M.Mámetova, Á. Maıkýtov, A. Batyr, Núrseıitov, Matrosov kóshelerinen 79,8 myń sharshy metr qar shyǵarylǵan. Qar shyǵarý boıynsha jumystar áli de jalǵasýda. Buǵan qosa, aýdannyń eldi mekenderinen 203,9 myń tekshe metr qar shyǵaryldy.
Sondaı-aq, toǵandy kúsheıtý boıynsha is-sharalar jospary aıasynda Jabaı ózeniniń mańaıyna ınerttik materıaldar sebý jumystary júrgizilip jatyr.
Baqbergen Amalbek.
Derek, sýret: oblys ákiminiń baspasóz qyzmeti.