TARAZ. 29 aqpan. Jambyl oblysynda týrızm salasy jandanyp keledi. Oblys «Jibek jolynyń tarıhı ortalyqtaryn jańǵyrtý, túrki tildi memleketterdiń mádenı murasyn saqtaý jáne sabaqtastyrý, damytý, týrızm ınfraqurylymyn qurý» memlekettik baǵdarlamasyna ilikken. Bul týraly egemen.kz tilshisi habarlady.
Oblys arqyly Uly Jibek Jolynyń bóligi (Saıram kenti – Taraz – Aksholak – Aqyrtóbe stansııasy – Qulan – Merki – Shý – Aspara – Qordaı ) ótedi, jol boıynda tarıhı jáne mádenı qyzyqty eskertkishter ornalasqan. Jibek joly boıyndaǵy 5 eskertkish IýNESKO-nyń Dúnıejúzilik mádenı mura tizimine engizildi.
Qazirgi kezeńde aımaqtyq týrızm damýynyń negizgi artyqshylyǵy «Ejelgi Taraz» jobasy bolyp tabylady.
Joba Taraz qalasynyń ortalyq bóliginde kólemi shamamen 20 gektar jerde ornalasyp, arheologııalyq jáne týrıstik saıabaqtardan turatyn bolady. Nysandardyń birtutas ansamblin ejelgi shyǵys stılinde (ejelgi órkenıet qazba jumystaryna qatysý, tabylǵan artefaktiler murajaıy, shyǵys bazarlary jáne sheberler qalasy, qonaq úıler, saýda ortalyqtary jáne t.b.) qurý josparlanǵan.
Búgingi kúni oblysymyzda 42 týrıstik fırma, 1 kıiz úı qalashyǵy, 1 saýyqtandyrý kesheni, 5 demalys ortalyǵy, 10 balalar saýyqtandyrý lagerleri, biregeı shıpaly balshyq jáne mıneraldy sýlary jáne 5 shıpajaı, saýyqtandyratyn oryndar jumys isteıdi.
Jambyl oblysy boıynsha týrıstik marshrýttar ázirlenýde.
Atap aıtqanda, TARAZ TRAVEL týrıstik kompanııasymen «Kóne Taraz Marjandary», «Aqyrtas jumbaqtary», «Aspan asty joldary», «Aqsý Jabaǵyly» murajaı-qoryǵyna ekskýrsııalar jáne «Uly Jibek joly» týr marshrýttary.
«Zolotoı Karavan» týrıstik ortalyǵynyń týr marshrýttary: «Kóne Taraz búgin», «Arhıtektorlyq eskertkishter», «Aqyrtas jumbaqtary», «Qarly shyńdardan qumdy jotalarǵa deıin». «Taraz Damý» týrıstik fırmasynyń «Kóksaı» qazaq aýyly atty marshrýty.
Jambyl oblysynda ınfraqurylym jobalary júzege asyrylýda, mysaly halyqaralyq kólik magıstrali teliminde «Batys Eýropa-Batys Qytaı» jobasy.
Oblys boıynsha «Batys Eýropa-Batys Qytaı» halyqaralyq kólik dálizi boıynda birqatar jol boıǵy servıs keshenderi aıqyndalǵan, onyń 1 kesheniniń qurylysy aıaqtalǵan.
Qazirgi dúnıejúzilik ekonomıkanyń damý jaǵdaıynda týrızm jetekshi jáne dınamıkalyq damýshy salalardyń biri bolyp tabylady. Dúnıejúzilik týrıstik uıym málimetterine sáıkes dúnıe júzi eksporty boıynsha avto kólikter, hımııa ónimderi, jáne janar-jaǵarmaı eksportynan keıin týrızm boıynsha taýarlar men qyzmetter tórtinshi orynda.
Oralhan Dáýit.
Derek, sýret: egemen.kz.