ASTANA. 29 aqpan. Iraktyń Dııala provınsııasyna qarasty El-Mıkdadııa qalasynda lańkesterdiń shabýylynan 35 adam qaza taýyp, 50-den astamy túrli dene jaraqatyn aldy. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
Polısııa qyzmetkerleriniń aıtýynsha, jankeshti jerleý rásimi bolyp jatqan jerge kelip, jarylǵysh zatyn iske qosqan. Alǵashynda 24 adamnyń mert bolǵany týraly aqparat taraǵanymen, qaza tapqandar sany 35 adamǵa jetkeni belgili boldy.
«El-Mıkdadııa qalasynda jankeshtiniń ózin-ózi jaryp jiberýinen osyndaı oqıǵa boldy. Qaza tapqandar sany áli de artýy múmkin», – dedi jergilikti polısııa qyzmetkeri.
Aıta keteıik, 28 aqpan kúni Baǵdad qalasyndaǵy saýda oryndarynyń birinde sodyrlar uıymdastyrǵan jarylystan 70 adam qurban bolyp, 100-den astamy túrli dene jaraqatyn alǵan.
Aıan Ábdýálı.
Derek, sýret: RIA «Novostı».