Áleýmettik poıyz

Kókshe jurtshylyǵyn rızashylyqqa bóledi Qala turǵyndary temirjol beketin jaqsylyqtyń jarshysyna balaıdy. Munda oblys ómirindegi aıtýly oqıǵalar, jaqsy jetistikter, izgi tilekter aldymen aıtylyp jatady. Mine, búgin de dýmandy orda ásem jasaýlarymen kóz tartyp, eń basty merekemizdiń asqaq rýh aýanyn ala kelgen «Máńgilik El» áleýmettik poıyzyna qýana qol bulǵaýda. Elimiz boıynsha segizinshi ret uıymdastyrylyp otyrǵan áleý­mettik poıyz quramyndaǵy aza­mattardyń basym kópshiligi kók­shelikterge jaqsy tanys. Osy­dan da qarsy alý jıyny jyly júzdi qaýyshý, ashyq-jarqyn kóńil terbelisinde ótti. Qonaqtardy Aq­mola oblysy ákiminiń orynba­sary Nurlan Nurkenov, Qazaq­stan halqy Assambleıasynyń mú­­shesi, oblystyq ardagerler ke­­ńesiniń tóraǵasy Ǵosman Tó­le­ǵul, oblystyq azamattyq alıa­ns qoǵamdyq uıymynyń jetek­shi­si Galına Shevareva qyzý qut­tyq­tady. Qazaqstan Táýelsizdiginiń 25 jyldyǵyna arnalǵan «Máńgilik El» áleýmettik poıyzy shtabynyń jetekshisi, L.N.Gýmılev atyndaǵy Eýrazııa ulttyq ýnıversıtetiniń professory Ámirjan Álpeıisov jyljymaly úgit ujymy Kókshe­taýda qarbalas jumystar ortasynda bolatynyn aıtty. Poıyz buǵan deıin tórt oblys aýmaǵynda 12 aıaldama jasap, 30 eldi meken­niń turǵyndarymen kezdesken. Respýblıkamyzdyń barlyq der­lik mınıstrliginiń ókilderi 13 myńnan astam adamdy qabyldap, qoǵamdyq ómirdiń kez kelgen salasyna qatysty suraqtarǵa jaýap qaıtaryp, tıisti keńester beripti. Kókshetaýdaǵy sharalar aýqymy da keń bolmaq. Gazetimizde ózge oblystardan ja­rııalanǵan habarlarǵa qa­raǵanda, «Máńgilik El» áleý­mettik poıyzynyń kelýi ár adam­nyń boıynda elge, jerge degen otansúıgishtik sezimin tý­dyr­ǵanyn kóremiz. Basty maq­sat – jergilikti turǵyndardyń, soǵys ardagerleri men múmkindigi shekteýli adam­dardyń ótinish-tilek­terin tyńdap, áleýmettik, densaýlyq saqtaý, zańnamalyq jáne ózge de máseleleri boıynsha kómek kórsetý. Poıyz quramy 8 topqa bóli­nip, qyzmet kórsetti. Ásirese, densaýlyq saqtaý, áleýmettik qor­ǵaý men jumyspen qamtý meke­melerinde, ádilet organdarynda, turǵyndarǵa qyzmet kórsetý orta­lyǵyndaǵy qabyldaýlarǵa júginýshiler kóp boldy. Máselen, oblystyq aýrýhana men balalar emhanasynda túske deıin 300 adam túrli keńester aldy. Bularǵa arnaıy 14 kabınet qyzmet kórsetti.Osy oraıda, qazirgi kúni ońtústik óńirlerde júrgen «Salamatty Qazaqstan» poıyzy kún jylyna soltústik aımaqtarǵa saparyn bas­taıtynyn aıta ketkimiz keledi. Sol kúni Sh.Ýálıhanov atyn­daǵy Kókshetaý memlekettik ýnı­versıtetinde «Búgingi stýdent – er­teńgi maman», «Jastar – qo­ǵam­nyń bolashaǵy», «Elbasymen birgemiz» taqyrybynda pikir almasý ótkizilse, «Dostyq úıinde» kópultty elimizdiń yntymaq-berekesin pash etetin dóńgelek ús­­tel májilisi boldy. Odan ke­ıin «Máńgilik El» áleýmettik poıy­zynyń jetekshisi Ámirjan Álpeıisovtiń, «Qazaqstan Aza­mat­tyq alıansy» qoǵamdyq bir­lestigi Qostanaı bólimshesiniń jetekshisi Dınara О́tebaevanyń, «Qoǵamdyq kelisim» RMK bas mamany Iýrıı Samýsovtyń jáne Aqmola oblystyq ishki saıasat bas­qarmasynyń basshysy Aına Mysyrálimovanyń qatysýymen baspasóz brıfıngi ótkizildi. Baqbergen AMALBEK, «Egemen Qazaqstan».  Aqmola oblysy.