Shyǵysqazaqstandyq kenshiler álemdegi eń úlken júk kóligi «BelAZ» mashınasyn qoldan qurastyryp shyqty. Aýyr júk kóligi óńirdegi Baqyrshyq taý-ken baıytý kásipornyna qarasty ken oryndarynyń birinde paıdalanylady.
О́skemenge atalǵan aýyr júk kóliginiń bólshekteri tórt temirjol platformasy arqyly jetkizildi. Ony qurastyrýdyń ózi eki jarym aptaǵa sozyldy. Árıne, avtozaýyttarǵa bul úırenshikti jumys bolsa, kenshiler úshin túp-tamyrymen jańa is. Qaraǵan janǵa búkil jumys úderisi LEGO qurastyrmasyn eske salady. Alaıda, bul oıynshyq emes, atan túıege júk bolarlyq aýyr bólshekter ǵoı! Máselen, dóńgelektiń dıametri 3 metrden assa, keıbir avtobólshekter 10 tonnadan da artyq salmaqqa ıe. Kólemi záýlim úıdeı júk kóliginiń ózi 135 tonnaǵa teń.
– Bir júk kóligin qurastyrýǵa orta eseppen 2,5 apta jumsalsa, 10 shaqty kúnde qoraptaǵy dánekerler jumystary aıaqtalyp, 3 aptadan keıin tolyǵymen daıyn bolady. Kólikti 100 saǵattyq júrgizip tekserýden keıin paıdalana berýge bolady, – deıdi taý-ken baıytý kásipornynyń bas dırektory Iýrıı Ovchınnıkov.
Dýman ANASh,
«Egemen Qazaqstan».
Shyǵys Qazaqstan oblysy.