Biryńǵaı jınaqtaýshy zeınetaqy qory 2015 jyldyń qorytyndysyn shyǵardy.
2016 jylǵy 1 qańtardaǵy kórsetkish boıynsha zeınetaqy jınaqtarynyń jalpy somasy 5,83 trln. teńge boldy. 2015 jyldyń 12 aıynda túsken mindetti zeınetaqy jarnalarynyń somasy – 657,6 mlrd. teńge.
2015 jyly BJZQ alǵan jáne salymshylar (alýshylar) JZSh-yna bólgen ınvestısııalyq tabys – 761,40 mlrd. teńge. Osylaısha, 2015 jylǵy BJZQ zeınetaqy aktıvteriniń tabystylyǵy 13,6% qunsyzdaný deńgeıinde 15,65%-dy qurady.
2016 jylǵy 1 qańtardaǵy jaǵdaı boıynsha BJZQ-daǵy jeke zeınetaqy shottary – 10 116 751 birlik. Mindetti kásiptik zeınetaqy jarnalary boıynsha 390 993 adam, erikti zeınetaqy jarnalary boıynsha 40 060 shart jasaldy.
Júzege asyrylǵan zeınetaqy tólemderi men aýdarymdarynyń somasy 141,12 mlrd. teńgeni qurady, onyń ishinde saqtandyrý uıymdaryna aýdarymdar somasy – 24,23 mlrd. teńge.
2015 jyly BJZQ qyzmet kórsetý ortalyqtary arqyly 6,6 mıllıonnan astam qyzmet kórsetilip, salymshylarǵa (alýshylarǵa) kórsetiletin qyzmet túrleriniń barlyǵy boıynsha ortasha kútý ýaqytyn 5.58 mınýtqa deıin qysqartý jumysy júrgizildi. Sonymen qatar, 2015 jyly «BJZQ mobıldik keńsesi» baǵdarlamasy jumys isteı bastady. Qor mamandary múmkindigi shekteýli adamdarǵa ózderi barady. Bul baǵdarlamany iske asyrý barysynda Qor keńselerine ózderi kele almaıtyn 11 900-den astam adamǵa qajet qyzmet kórsetildi.
«Qazaqstan Respýblıkasynda zeınetaqymen qamsyzdandyrý týraly» Qazaqstan Respýblıkasynyń zańyn oryndaý aıasynda 7 059 300 adamǵa jeke zeınetaqy shotynyń jaı-kúıi týraly mindetti túrde habar berildi.
Kórsetiletin qyzmetterdi jaqsartý men aýqymyn keńeıtý bóligindegi 2015 jyldyń eleýli oqıǵalarynyń biri – zeınetaqy jınaqtarynyń jaı-kúıi týraly aqparatty e-gov «Elektrondy úkimet» portaly arqyly alý. «Elektrondy úkimet» portaly arqyly qyzmet iske qosylǵan sátten bastap 2016 jylǵy 1 qańtarǵa deıin salymshylardyń (alýshylardyń) jeke zeınetaqy shottarynan 125 myń úzindi kóshirme berildi, dep habarlady «BJZQ» AQ baspasóz ortalyǵy.