ORAL. 3 naýryz. Batys Qazaqstan oblysynyń ortalyǵy – Oral qalasynda balalary radıkaldy dinı aǵymdardyń jetegine erip, Sırııaǵa ketken jáne sol jaqta qaza tapqan ata-analar meshitke kelip jergilikti jamaǵatqa úgit-nasıhat jumystaryn júrgizýde. Bul týraly batysnewskz.kz saıtyna silteme jasaǵan egemen.kz tilshisi habarlady.
Ata-analar ózgelerge sabaq bolar degen nıetpen adasqan balalarynyń taǵdyryn baıandap, jamaǵatty teris pıǵyldy aǵymdardan saqtanýǵa shaqyrýda. Oblystyq din máselelerin zertteý ortalyǵynyń basshysy Jaras Ahanovtyń aıtýynsha, búginde Sırııaǵa soǵysqa ketken oraldyqtardyń naqty sany belgisiz.
«Bul aqparatty quzyrly organdar qupııa ustap otyr. Al jat aǵymnyń jeteginde ketip, sottalǵan 24 azamattyń ishinde memlekettik qyzmetkerler de bolǵan. Menińshe, týra joldan taıýǵa otbasyndaǵy tárbıeniń durys jolǵa qoıylmaýy sebep. Sondyqtan qazirgi tańda birinshi kezekte jastarmen jumysty kúsheıtý kerek», – deıdi Jaras Ahanov.
Sonymen qatar, onyń sózinen jalǵan úgit-nasıhatqa urynyp, dinı ekstremıstik kózqarasy boıynsha sottalǵan jáne atalǵan ortalyqqa kómekke júgingen azamattardyń 99 paıyzynyń durys tárbıe almaǵany belgili boldy.
Temir Qusaıyn.
Derek: batysnewskz.kz.
Sýret: muftyat.kz.