О́tken jyly Atyraý polıseıleri 16 orden men medaldy, oǵan qosa, eki tósbelgini qaladaǵy kólik garajynan taýyp alypty. Arasynda Qyzyl Juldyz, Danq ordenderi men «Erligi úshin», «Eńbek ardageri» jáne basqa da medaldar bolǵan. Alaıda, byltyr quqyq qorǵaý organdarynda mundaı marapattardyń urlanǵany týraly derek tirkelmegen bolyp shyqty. Soǵan qaramastan, polısııa qyzmetkerleri marapattardaǵy nómirlerge baılanysty kimge tıesili ekenin anyqtady.
Aldymen budan úsh jyldaı buryn Jylyoı aýdandyq ishki ister bólimine Qulsary qalasynyń 7-aýylynda turatyn turǵynnan shaǵym túskeni belgili boldy. Onda shaǵym berýshi maıdanger ákesiniń soǵys jyldarynda alǵan marapattary men 200 myń teńgesi urlanǵany aıtylǵan. Shaǵymda kórsetilgen jáne tabylǵan marapattardaǵy nómirler bir-birimen sáıkestigi tekserildi. Sóıtip, polıseıler ómirden ótip ketken maıdangerdiń urlanǵan marapattaryn qyzyna qaıtaryp berdi. Sebebi, maıdangerdiń qyzy marapattardyń ákesine tıesili ekenin rastaıtyn qujattardy usynypty.
Joldasbek ShО́PEǴUL,
«Egemen Qazaqstan».
ATYRAÝ.