Birde Almaty qalasy Densaýlyq saqtaý basqarmasy jýrnalıster kúnine oraı kúngeıdegi bas shahardaǵy barlyq buqaralyq aqparat quraldary qyzmetkerlerin medısınalyq tekserýden ótkizý úshin arnaıy aksııa uıymdastyrǵan-dy. О́z densaýlyqtaryna kóńil bólýge ýaqyttary bola bermeıtin qalamgerler janashyrlyq kórsetip jatqan soń, taıly-taıaǵymyz qalmaı Almaly aýdanyna qarasty 53 myń halyqqa medısınalyq qyzmet kórsetip otyrǵan №5 emhanaǵa osylaı jolymyz tústi.
Bizderdi kúndelikti emhanaǵa keletin qala turǵyndarynan bóle-jarmaı, bárimiz bir dálizde júrmiz. Eshqandaı yń-shyń joq, emhana ishi muntazdaı taza, árkim óz isimen aınalysýda. Sodan mekeme basshysy, densaýlyq saqtaý isiniń úzdigi, joǵary sanattaǵy dáriger Gúlshahıra Ájimuhanqyzy Qambarovamen sóılesýdiń sáti tústi. Sabyrly, daýysy bııazy, júzinen ımandylyq pen bekzat bolmys baıqalady. Osy qasıetine aqquba, kórkem kelbeti qosylyp adamdy ózine eriksiz tarta tústi. Menińshe, mekeme basshysynyń minezindegi osyndaı qasıetter ujym múshelerinde de seziletindeı. О́ıtkeni, basshy qol astyndaǵy qyzmetkerlerimen aqyryp emes, aqyryn aıtyp, til tabyssa – olar da sol jaǵdaıǵa qalyptasady ǵoı. Al mundaı qarym-qatynas osy taqylettes emdeý oryndarynyń bárinde birdeı kezdese bermeıdi. Iаǵnı, mamandyqpen birge kisilikti de alyp júrý árkimniń qolynan kelmeıdi. Dáriger adam aldymen sózimen emdep, aldyna kelgen naýqas úlken bir úmitpen emdeletinine senip ketýi kerek.
– 2010 jyly densaýlyq saqtaý salasynda engizilgen Biryńǵaı Ulttyq densaýlyq saqtaý júıesiniń oryndalýy jaman emes, – dep sózin jalǵady bas dáriger. – О́ıtkeni, nátıje jaqsy. О́zińiz bilesiz, ol júıede árbir qazaqstandyqqa turǵan jerinde – táýelsiz emdeý ornyn jáne emdeýshi dárigerdi tańdaý quqyǵy berilgen. Iаǵnı, emdelýshige joǵary sapaly dárigerlik kómek, em alýyna múmkindik týdy. Máselen, 2015 jyldyń 15 qyrkúıegi men 15 qarasha aralyǵynda tirkeý kompanııasyna emhanaǵa qosymsha 6 myńnan asa adam kelip tirkeldi. Bul neni kórsetedi? Iаǵnı, halyq bizdiń mamandardyń joǵary kásibıligin baǵalaıdy degen sóz.
Atalmysh emdeý ornynyń bir ereksheligi, munda emhana janynan Qalalyq gepatologııalyq ortalyqtyń ashylýy. Ony medısınalyq múmkindigi jaǵynan biregeı ortalyq desek te bolady. Buǵan deıin naýqas adamdy qalanyń ár bóligine jiberip, áýre-sarsańǵa salsa, qazir munda barlyq dıagnostıkalyq zertteýler bir jerde ótedi. Eń bastysy, baýyrdaǵy kináratty anyqtaýǵa asa qajet zamanaýı fıbraskan apparaty qala boıynsha tek osy ortalyqta. Fıbraskan – baýyrdyń qabynýynyń qalyńdyǵyn anyqtaıdy. Oǵan joǵary sanattaǵy dáriger Roza Júsipova jetekshilik etedi.
Gúlshahıra Ájimuhanqyzy búginde emhanadaǵy 280 qyzmetkerdiń 77-si dáriger, olardyń 28-i ýchaskelik dáriger, 126 medbıkeniń 58-i ýchaskelik medbıke, 5 psıholog, 5 áleýmettik qyzmetker jumys isteıtinin, 2010 jyldan respýblıkalyq bıýdjetten ýchaskelik mamandarǵa qosymsha jalaqy taǵaıyndalǵanyn da tilge tıek ete ketti. «Máselen, ýchaskelik dáriger 70-200 myń teńge, medbıkeler 30-150 myń teńge aralyǵynda yntalandyrýshy ústemaqy alady. Al emhana sharýashylyq júrgizý quqyǵyna kóshkeli beri, jumystaryn jaqsy kórsetken, emhananyń kórsetkishterin kótergen, jańa ınnovasııa engizgen qyzmetkerge aqyly qyzmetten tabatyn tabysymyzdan qosymsha ústeme aqy beremiz, – dedi emhana basshysy.
О́mirlik tájirıbe kórsetip otyrǵandaı, kez kelgen basshy adamda qaramaǵyndaǵy qyzmetkerlerdi túsinip, jaqsylyq jasaýda bolsyn, isti uıymdastyrýda bolsyn – múmkindik zor. Gúlshahıra Ájimuhanqyzy sol múmkindikti qaı jaǵynan bolsa da tıimdi, ádil paıdalanýǵa tyrysady. Sol qasıeti bizge unady, al medısınadaǵy «Táńiri qalaǵan dáriger» degen uǵymǵa salsaq, ózi qalaǵan mamandyǵyna súıispenshilikpen, qurmetpen qaraıtyn bizdiń keıipkerimiz sol – «Táńiri qalaǵan dáriger» sanatynan dep bilemiz.
Gúlzeınep SÁDIRQYZY,
«Egemen Qazaqstan».