2015 jylǵy 24 aqpan,Astana qalasy
Quqyqtyq kadastrda jyljymaıtyn múlikke quqyqtardy júıeli túrde tirkeý júrgizý erejesin bekitý týraly
«Jyljymaıtyn múlikke quqyqtardy memlekettik tirkeý týraly» Qazaqstan Respýblıkasynyń 2007 jylǵy 26 shildedegi Zańynyń 57-babynyń 1-tarmaǵyna sáıkes, buıyramyn:
1. Quqyqtyq kadastrda jyljymaıtyn múlikke quqyqtardy júıeli túrde tirkeý júrgizý erejesi osy buıryqqa 1-qosymshaǵa sáıkes bekitilsin.
2. Tirkeý qyzmeti jáne zań qyzmetin uıymdastyrý departamenti zańnamamen belgilengen tártipte osy buıryqtyń memlekettik tirkelýin jáne onyń resmı jarııalanýyn qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Ádilet mınıstriniń jetekshilik etetin orynbasaryna júktelsin.
4. Osy buıryq alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Ádilet mınıstri B.IMAShEV.
«KELISILDI»
Qazaqstan Respýblıkasynyń Qarjy mınıstri
____________B. Sultanov
2015 jylǵy «__»_________
«KELISILDI»
Qazaqstan Respýblıkasynyń Ulttyq ekonomıka mınıstri
____________E. Dosaev
2015 jylǵy «__»_________
Qazaqstan Respýblıkasy Ádilet mınıstriniń 2015 jylǵy 24 aqpan №110 buıryǵymen bekitilgen
Quqyqtyq kadastrda jyljymaıtyn múlikke quqyqtardy júıeli tirkeýdi júrgizý erejesi
1. Jalpy erejeler
1. Osy Quqyqtyq kadastrda jyljymaıtyn múlikke quqyqtardy júıeli tirkeýdi júrgizý erejesi (budan ári – Ereje) «Jyljymaıtyn múlikke quqyqtardy memlekettik tirkeý týraly» Qazaqstan Respýblıkasy Zańynyń 57-babynyń 1-tarmaǵyna sáıkes ázirlenip, quqyqtyq kadastrdy jyljymaıtyn múlikke buryn týyndaǵan quqyqtar (quqyqtyq aýyrtpalyqtar) týraly málimettermen tolyqtyrý maqsatynda quqyqtardy júıeli tirkeýdi júrgizýdiń merzimi men tártibin aıqyndaıdy jáne esepke alý sıpatynda bolady.
2. Jyljymaıtyn múlikke buryn týyndaǵan quqyqtardyń (quqyqtyq aýyrtpalyqtar) týyndaǵan kúni júıeli tirkeý kezinde buryn týyndaǵan quqyqtar (quqyqtyq aýyrtpalyqtar) týyndaǵan sátte qoldanylǵan Qazaqstan Respýblıkasynyń zańnamasyna sáıkes quqyq belgileıtin qujattardyń negizinde aıqyndalady.
3. Osy Ereje oblystardyń, Astana jáne Almaty qalalarynyń jergilikti atqarýshy organdaryna, oblystyń (respýblıkalyq mańyzy bar qalanyń, astananyń), aýdandardyń (oblystyq mańyzy bar qalalardyń) jergilikti atqarýshy organdarynyń jer qatynastary jónindegi ýákiletti organdaryna, memlekettik múlik jónindegi ýákiletti memlekettik organ men onyń aýmaqtyq organdaryna, oblystyń (respýblıkalyq mańyzy bar qalanyń, astananyń), aýdandardyń (oblystyq mańyzy bar qalalardyń) jergilikti atqarýshy organdarynyń sáýlet, qala qurylysy jáne qurylys isteri jónindegi ýákiletti organdaryna, tirkeýshi organǵa (budan ári - memlekettik organdar) qoldanylady.
4. Memlekettik organdardyń júıeli tirkeýdi júrgizý kezindegi negizgi mindeti tirkeýshi organdy jyljymaıtyn múlik obektileri, olardyń quqyq ıeleri, jyljymaıtyn múlikke quqyqtardyń týyndaý túrleri men negizderi týraly aqparatpen qamtamasyz etý bolyp tabylady.
5. Osy Erejede mynadaı termınder jáne anyqtaýlar paıdalanylady:
1) buryn týyndaǵan quqyq (quqyqtyq aýyrtpalyqtar) - 1996 jylǵy 1 naýryzǵa deıin týyndaǵan jáne ol tıisti quqyq týyndaǵan sátte qoldanystaǵy zańnamaǵa sáıkes kelgen jaǵdaıda jaramdy bolatyn jyljymaıtyn múlikke quqyq (quqyq aýyrtpalyǵy);
2) buryn týyndaǵan quqyqtardy quqyqtyq kadastrda júıeli tirkeý - jyljymaıtyn múlikke quqyqtardy memlekettik tirkeý júıesi engizilgenge deıin týyndaǵan jáne eger olar týyndaǵan sátte qoldanystaǵy zańnamaǵa sáıkes kelse, jaramdy bolatyn jyljymaıtyn múlikke quqyqtardy (quqyqtyq aýyrtpalyqtar) eseptik tirkeý;
3) eseptik tirkeý - quqyqtyq kadastrda memlekettik tirkeýsiz jaramdy bolatyn jyljymaıtyn múlikke quqyqtardy (quqyqtyq aýyrtpalyqtar), onyń ishinde buryn týyndaǵan quqyqtardy esepke alý maqsatynda jyljymaıtyn múlikke quqyqtardy (quqyqtyq aýyrtpalyqtar) tirkeý;
4) jyljymaıtyn múlik - jer ýchaskeleri, ǵımarattar, qurylystar jáne jermen tyǵyz baılanysty ózge de múlik, ıaǵnı maqsatyna shamadan tys zııan keltirilmeı kóshirilýi múmkin bolmaıtyn obektiler;
5) jyljymaıtyn múliktiń bastapqy obektisi - ár túrli fýnksıonaldyq maqsattaǵy ǵımarattar jáne qurylystar, sondaı-aq erekshe retteý jáne qala qurylysyn reglamentteý obektileri;
6) jyljymaıtyn múlikke quqyqtyq aýyrtpalyq - Qazaqstan Respýblıkasynyń zańdarynda nemese taraptardyń kelisimimen kózdelgen tártippen týyndaǵan jáne quqyq ıesiniń jyljymaıtyn múlikke ıelik etý, paıdalaný jáne (nemese) bılik etý quqyǵyn shekteýde kórinetin jyljymaıtyn múlikke quqyqty kez kelgen shekteý;
7) jyljymaıtyn múlikti memlekettik tehnıkalyq tekserý - úılerdiń, ǵımarattardyń jáne olardyń quramdastarynyń quqyqtyq kadastrdy júrgizý úshin qajetti tehnıkalyq, sáıkestendirý sıpattamalaryn aıqyndaý;
8) jyljymaıtyn múliktiń keıingi obektisi - quqyqtardy tirkeý maqsatynda menshiktiń jeke (bólek) quqyq (ózge de zattyq quqyq) obektileri retinde olarǵa kadastrlyq nómirler beriletin turǵyn jáne turǵyn emes úı-jaılar;
9) jyljymaıtyn múlik obektisiniń sáıkestendirý sıpattamalary - jyljymaıtyn múliktiń mekenjaıyn, mekenjaıdyń tirkeý kodyn (ol bar bolǵan kezde), túrin, kadastrlyq nómirin, menshik nysanyn, quramdastarynyń sanyn, jerleriniń, sanattaryn, bólinýin, nysanaly maqsatyn, qabatyn, aýdanyn (jalpy, turǵyn, paıdaly) qosa alǵanda, jyljymaıtyn múlik obektisi týraly quqyqtyq kadastrdy júrgizý maqsatyna qajetti málimetter;
10) quqyq belgileıtin qujattar - solardyń negizinde jyljymaıtyn múlikke quqyqtar (quqyqtyq aýyrtpalyqtar) týyndaıtyn, ózgeretin jáne (nemese) toqtatylatyn qujattar;
11) quqyqtyq kadastr - jyljymaıtyn múlikke tirkelgen quqyqtardyń biryńǵaı memlekettik tizilimi;
12) quqyqtyq kadastrdan málimetter - quqyqtyq kadastrda qamtylǵan jyljymaıtyn múlikke tirkelgen quqyqtar (quqyqtyq aýyrtpalyqtar) jáne memlekettik tirkeýdiń ózge de obektileri týraly aqparat jáne tirkeýshi organ usynatyn tirkeý isindegi qujattardyń kóshirmeleri;
13) ótinish berýshi - quqyq ıesi, satyp alýshy jáne múddesi úshin memlekettik tirkeý júzege asyrylatyn ózge de adamdar;
14) ótinish berýshiniń ýákiletti ókili - ótinish berýshiniń atynan ótinish beretin jáne senimhatqa, zańnamaǵa, sottyń sheshimine ne quqyqtyq aktige negizdelgen ókilettikterge oraı memlekettik tirkeýge baılanysty ózge de áreketti júzege asyratyn adam;
15) tehnıkalyq pasport - jyljymaıtyn múlikti memlekettik tehnıkalyq tekserýdiń nátıjeleri boıynsha jasalǵan, quqyqtyq kadastrdy júrgizý úshin qajetti, bastapqy nemese keıingi obektiniń tehnıkalyq, sáıkestendirý sıpattamalaryn qamtıtyn belgilengen nysandaǵy qujat;
16) tirkeýshi organ - memlekettik tirkeýdi jyljymaıtyn múliktiń ornalasqan jeri boıynsha júzege asyratyn aýmaqtyq ádilet organdary;
17) ýákiletti organ - jyljymaıtyn múlikti memlekettik tirkeý men memlekettik tehnıkalyq zertteý salasyndaǵy memlekettik saıasatty iske asyrýdy jáne qyzmetti memlekettik retteýdi júzege asyratyn memlekettik organ.
2. Júıeli tirkeýdi quqyqtyq kadastrda júzege asyrý tártibi
6. Memlekettik organdar tirkeý organdaryna elektrondy jáne qaǵaz jetkizgishterde mynadaı:
1) oblystardyń, Astana jáne Almaty qalalarynyń jergilikti atqarýshy organdary - jekeshelendirilgen jyljymaıtyn múliktiń turǵyn úı obektileri, kommýnaldyq menshiktegi jyljymaıtyn múlik obektileri, jyljymaıtyn múliktiń ornalasqan jerin, jyljymaıtyn múlikke quqyqtardyń týyndaý túri men negizin kórsete otyryp, olardyń quqyq ıeleri týraly;
2) oblystyń (respýblıkalyq mańyzy bar qalanyń, astananyń), aýdandardyń (oblystyq mańyzy bar qalalardyń) jergilikti atqarýshy organdarynyń jer qatynastary jónindegi ýákiletti organdary - jer ýchaskesiniń ornalasqan jerin, onyń nysanaly maqsatyn, alańyn, quqyqtardyń paıda bolý túri men negizin kórsete otyryp, jer ýchaskelerine usynylǵan, berilgen, ótken quqyqtar, olardyń quqyq ıeleri týraly;
3) memlekettik múlik jónindegi ýákiletti memlekettik organ men onyń aýmaqtyq organdaryna - olardyń ornalasqan jerin, sondaı-aq satyp alýshylar men olardyń kórsetilgen obektilerge quqyqtarynyń týyndaý negizderi týraly málimetterdi kórsete otyryp, respýblıkalyq menshikte turǵan jekeshelendirilgen jyljymaıtyn múlik obektileri týraly aqparatty;
4) oblystyń (respýblıkalyq mańyzy bar qalanyń, astananyń), aýdandardyń (oblystyq mańyzy bar qalalardyń) jergilikti atqarýshy organdarynyń sáýlet, qala qurylysy jáne qurylys isteri jónindegi ýákiletti organdary - jyljymaıtyn múliktiń tehnıkalyq jáne basqa da sıpattamalaryn kórsete otyryp, quqyq ıeleri, jyljymaıtyn múlik obektileri týraly qolda bar derekterdi usynady.
7. Jyljymaıtyn múlikke buryn týyndaǵan quqyqtardy (quqyqtyq aýyrtpalyqtardy) júıeli tirkeý quqyq ıelenýshileriniń ótinishi kelip túsken jáne (nemese) buryn týyndaǵan quqyqtar (quqyqtyq aýyrtpalyqtar) týraly shynaıy derekter basqa aqparattyq júıelerden aýystyrylǵan sátten bastap on bes jumys kúni ishinde júzege asyrylady.
8. Osy Erejeniń 6-tarmaǵynda atalǵan memlekettik organdar aqparatty tirkeýshi organǵa júıeli tirkeý sheńberinde óteýsiz negizde usynady.
9. Tirkeýshi organ alynǵan aqparatty quqyqtyq kadastr derekterimen salystyrýdy júrgizedi, sodan keıin jyljymaıtyn múlikke quqyqtardy (quqyqtyq aýyrtpalyqtardy) júıeli tirkeýdi júrgizgeni týraly quqyq ıelerine habarlaıdy.
10. Jyljymaıtyn múlikke buryn týyndaǵan quqyqtardy (quqyqtyq aýyrtpalyqtardy) júıeli tirkeý quqyq ıelenýshileriniń ótinish berýi arqyly jáne (nemese) buryn týyndaǵan quqyqtar (quqyqtyq aýyrtpalyqtar) týraly shynaıy derekterdi memlekettik organdardyń basqa aqparattyq júıelerinen aýystyrý arqyly júzege asyrylýy múmkin.
11. Jyljymaıtyn múlikke buryn týyndaǵan quqyqtar men quqyqtyq aýyrtpalyqtar týraly derekterdi quqyqtyq kadastrǵa aýystyrý memlekettik organdardaǵy derekter shynaıy bolǵan kezde júzege asyrylýy múmkin.
12. Jyljymaıtyn múlikke buryn týyndaǵan quqyqtardy (quqyqtyq aýyrtpalyqtardy) júıeli tirkeý óteýsiz júzege asyrylady.
3. Jekelegen jaǵdaılarda júıeli tirkeýdi júzege asyrý erekshelikteri
13. Eger bastapqy nemese keıingi jyljymaıtyn múlik obektisine quqyqtardy tirkeý týraly ótinish bergen quqyq ıesinde jer ýchaskesine quqyq belgileıtin qujat bolmasa ne eski úlgidegi aktilerde nemese buryn qoldanylǵan zańnamaǵa sáıkes jer ýchaskesine quqyqtardyń týyndaýyn rastaıtyn ózge de qujattarda quqyqtyq kadastrdy júrgizý maqsaty úshin qajetti málimetter bolmasa, tirkeýshi organ bastapqy nemese keıingi jyljymaıtyn múlik obektilerine buryn týyndaǵan quqyqty eseptik tirkeýdi júrgizýge mindetti. Jer ýchaskesine buryn týyndaǵan quqyqty eseptik tirkeý ýákiletti organ eski úlgidegi aktiniń nemese buryn qoldanylǵan zańnamaǵa sáıkes jer ýchaskesine quqyqtardyń týyndaýyn rastaıtyn ózge de qujattardyń negizinde jer ýchaskesine sáıkestendirý qujatyn bergennen keıin júzege asyrylady. Tirkeý úshin quqyq ıesi eski úlgidegi aktini nemese buryn qoldanylǵan zańnamaǵa sáıkes jer ýchaskesine quqyqtardyń týyndaýyn rastaıtyn ózge de qujatty jáne jer ýchaskesine sáıkestendirý qujatyn usynady. Quqyq ıesinde jer ýchaskesine quqyq belgileıtin qujat bolmaǵan kezde oǵan quqyqtardy resimdeý belgilengen tártippen júzege asyrylady.
14. Bastapqy jáne keıingi obektilerge buryn týyndaǵan quqyqtardy eseptik tirkeýdi júzege asyrý kezinde tirkeýshi organ quqyq ıesinen jyljymaıtyn múlik obektisine jańa tehnıkalyq pasportty tabys etýdi talap etýge quqyǵy joq. Qajet bolǵanda júıeli tirkeýdi júrgizý kezinde jańa tehnıkalyq pasport daıyndaýdy jyljymaıtyn múlik obektisiniń ornalasqan jeri boıynsha memlekettik tehnıkalyq esepke alý quzyretine kiretin Qazaqstan Respýblıkasy Ádilet mınıstrliginiń «Jyljymaıtyn múlik jónindegi ortalyq» respýblıkalyq memlekettik kásiporyndar óteýsiz júzege asyrady.
Buıryq Qazaqstan Respýblıkasynyń Ádilet mınıstrliginde 2015 jylǵy 26 naýryzda Normatıvtik quqyqtyq kesimderdi memlekettik tirkeýdiń tizilimine №10539 bolyp engizildi.