ASTANA. 5 naýryz. Urylar Argentınanyń Santa-Fe provınsııasyna qarasty shaǵyn qalany túgin qaldyrmastan tonap ketti. Bul týraly 24.kz-ǵa silteme jasaǵan egemen.kz tilshisi habarlady.
Jergilikti polıseılerdiń habarlaýynsha, 1800 turǵyny bar Bernardo-de-Irıgoen qalasyn nebári tórt adam tonaǵan. Baýkespe urylar jergilikti merııa, bank, poshta, sot jáne polısııa bólimshesine urlyqqa túsip, baǵaly zattardy qoldy etken. Bastapqyda olar polısııa bólimshesine basa-kóktep kirip, búkil qarý-jaraǵyn sypyryp alyp, ózderin bir bólmege qamap tastaǵan.
Aıta keteıik, urylar barlyǵy 16 myń dollar bolatyn dúnıe-múlikti qoldy etken. Tártip saqshylary olardyń izine túsip, bireýin atyp óltirgen. Alaıda, urylardyń úsheýi qolǵa túspeı, qashyp ketken.
Talǵat Raıymbek.
Derek, sýret: 24.kz.