AQMOLA. 9 naýryz. Aqmola oblysynyń ákimi Sergeı Kýlagın Kókshetaý qalasyndaǵy ósimdik maıyn shyǵaratyn zaýyttyń iske qosylý saltanatyna qatysty. Bul týraly oblys ákiminiń baspasóz qyzmetine silteme jasaǵan egemen.kz tilshisi habarlady.
О́simdik maıyn óndiretin Blic Terminal jaýapkershiligi shekteýli seriktestigi kúnbaǵys jáne raps maıyn saýda aınalymyna qosty. Búginde rafınadtalmaǵan maı túrine de suranys artyp keledi.
Kásiporyn maıdy 1 jáne 5 lıtrlik polıetılen qutyǵa quıyp shyǵarady. Mundaǵy 5 lıtrlik maıdyń quny 1700 teńge, al bir lıtrlik maı 300 teńgeni quraıdy. Jalpy, seriktestik byltyr 15 myń lıtr maı shyǵarǵan eken. Kásiporyn qazir 52 adamdy turaqty jumyspen qamtyp otyr.
Sonymen qatar, Kókshetaýda «Bıznestiń jol kartasy-2020» baǵdarlamasy aıasynda qýattylyǵy aýysymyna 500 keli qýyrylǵan shekildeýik shyǵaratyn jańa kásiporyn da qyzmet kórsetip keledi. SUPERNUTS jaýapkershiligi shekteýli seriktestigi shıkizatty Reseıdiń Altaı ólkesinen satyp alady. Al, daıyn ónim Qazaqstannyń túrli óńirlerine jóneltilýde.
Baqbergen Amalbek.
Derek, sýret: oblys ákiminiń baspasóz qyzmetinen.