ASTANA. 9 naýryz. Naýryz aıynyń 10-12 naýryz aralyǵynda elimizdiń barlyq óńirinde kún jyly bolady. Bul týraly «Qazgıdrometke» silteme jasaǵan egemen.kz tilshisi habarlady.
Sınoptıkterdiń boljamy boıynsha, aldaǵy kúnderi soltústik, ortalyq, shyǵys aımaqtarǵa antısıklon áser etedi. Osyǵan baılanysty bul óńirlerde kún sýytyp, jaýyn-shashyn bolmaıdy. Alaıda, 12 naýryz kúni antısıklonnyń ketýine baılanysty kún jylynady.
«Batys aımaqta aldymyzdaǵy úsh kún boıy sıklon saqtalyp, keı jerlerde jaýyn jaýady. Sondaı-aq, tuman, kóktaıǵaq bolady degen boljam bar. Al Ońtústik Qazaqstanǵa atmosferalyq fronttardyń kelýine baılanysty jaýyn jaýyp, taýly aımaqtarǵa qar jaýady», – dep málimdedi meteorologtar.
Aıta keteıik, osyǵan deıin mamandar naýryz aıynda aýa temperatýrasy -27 gradýsqa deıin sýytatynyn aıtqan.
Aıan Ábdýálı.
Derek: «Qazgıdromet».
Sýret: tengrinews.kz.