О́SKEMEN. 9 naýryz. Shyǵys óńirinde jastar ortalyǵynyń qyzmetkerleri Halyqaralyq áıelder kúnine oraı, óskemendik qyz-kelinshekterdi quttyqtap, gúlder men quttyqtaý hattaryn syılady. Bul týraly Shyǵys Qazaqstan oblysynyń aqparattyq ortalyǵyna silteme jasaǵan egemen.kz tilshisi habarlady.
Kez-kelgen saýda ortalyǵynda, kóshede, aıaldamada jolyqqan qyz-kelinshekter qaýymyn qýanyshqa bóleý arqyly belsendiler 1 myńnan astam áıeldi quttyqtady. Oblys ortalyǵyn otandyq kompanııanyń gúl men quttyqtaý hattaryna toly merekelik korteji aralap, jastar kezdesken janǵa jyly lebizderin tógip, syı-syıapattaryn tartý etti.
«Qalamyzdaǵy áıelderdiń kóńiline jylý men qýanysh syılaý óte mańyzdy. Olar bizge qamqorlyqpen qarap, balalarymyzǵa ómir syılaıdy, ortamyzdy mahabbatpen toltyrady. Sondyqtan, áıelderge densaýlyq, ádemilik pen sulýlyq, kúsh-qýat tileımiz», – dedi О́skemen qalasy jastar ortalyǵynyń dırektory Syrym Qaısarbekov.
Kóshede qushaǵy gúlge tolǵan ortalyq belsendilerin kórgende qyzdardyń júzine kúlki úıirilip, kóńildenip sala beredi.
«Bul kútpegen syı bolǵandyqtan, árıne, unaıdy. Mysaly, biz saýda úıinen shyǵyp kele jatsaq, aldymyzdan jalyndy jastar ádemi gúldermen qarsy alyp, quttyqtaıdy. Kóp rahmet!, – dedi qala turǵyny Anna Lejko.
Dýman Anash.
Derek, sýret: Shyǵys Qazaqstan oblysynyń aqparattyq ortalyǵy.