ASTANA. 9 naýryz. PENAL REFORM INTERNATIONAL (PRI) Halyqaralyq túrme reformasynyń Ortalyq Azııadaǵy ókildiginiń qyzmetkerleri «Qazaqstandaǵy balalar men áıelderge arnalǵan túzeý mekemelerindegi medısınalyq jáne áleýmettik qyzmetti kúsheıtý» jobasynyń aıasynda Atyraý qalasyndaǵy áıelder kolonııasynda jazasyn ótep jatqan qyz-kelinshekterdi 8 naýryz Halyqaralyq áıelder kúnimen quttyqtap, birqatar syılyqtar syılady. Bul týraly egemen.kz tilshisi habarlady.
Qazirgi kezde elimizdegi 6 áıelder kolonııasynda 3014 áıel jazalaryn ótep jatyr. Atyraýdaǵy kolonııada 252 áıel bar. Meıram qarsańynda elimizdiń batys óńirindegi jalǵyz kolonııada relaksasııa bólmesi, sán bólmesi sondaı-aq, sportpen jáne ıogamen aınalysý zaly ashyldy. Atalǵan bólmelerdiń qyz-kelinshekter úshin mańyzy zor ekeni anyq. PRI uıymy sottalǵan áıelderdiń jartysynan kóbi osyndaı psıhologııalyq kómekke zárý ekendigin anyqtady.
Sán bólmesi estetıkalyq sulýlyqty saqtap qana qoımaı, mundaǵy áıelder qaýymyna shashtaraz mamandyǵyn ıgerip, jazasyn ótep shyqqan soń, jumysqa turýlaryna múmkindik beredi. Sondaı-aq, bul kúni áıelder otrıadynyń arasynda sýret saıysy uıymdastyrylyp, jeńimpazdarǵa syılyqtardy tabys etedi. Týǵan-týystarymen kezdesý uıymdastyryldy.
Meıram kúni kolonııadaǵy qyz-kelinshekterge fotosessııa jasaldy. Osyǵan baılanysty sottalǵan áıelderdiń týystarymen baılanysy hat arqyly júzege asyp, sýretteri úılerine jiberiletin bolady.
Halyqaralyq túrme reformasynyń Ortalyq Azııadaǵy ókildigi 2013-2014 jyldary álem boıynsha sottalǵandardyń 2-9 paıyzyn áıelder quraıtynyn málimdedi. Er adamdarǵa qarastyrylǵan kolonııalarda qyz-kelinshekterge qajetti jaǵdaılar qarastyrylmaǵan. Ishki ister mınıstrliginiń qylmystyq-atqarý júıesi komıteti jyl basynda 2975 áıel jazasyn ótegenin jáne bul kórsetkish ótken jylǵa qaraǵanda 400 adamǵa azaıǵanyn habarlady.
«Zertteý barysynda belgili bolǵandaı sottalǵan áıelderdiń kóbisi birinshi ret qylmys jasaǵan. 30 jasqa deıingiler 20 paıyz, 30-50 jas arasyndaǵylardyń úles salmaǵy 59 paıyz qurasa, sottalǵan bes áıeldiń bireýiniń jasy 50-den asqan. PRI jobasy balalary kámeletke jasqa tolmaı turyp, sottalǵan áıelderge qoldaý kórsetedi. Olarǵa arnap munda oıyn alańdary men balalarymen kezdesý bólmesi qarastyrylǵan. Eń basty aıta ketetin jaıt – áıelder kolonııasynda Bangkok erejesine baılanysty Birikken Ulttar Uıymynyń halyqaralyq talaptaryna saı arnaıy oqýdan ótken áıelder qyzmet etedi. Atalǵan is-sharalar jazasyn ótep jatqan názik jandylar qoǵamǵa qajet ekendikterin bir sátte esterinen shyǵarmaı, áleýmettik turǵydan qoldaý taýyp, qoǵamymyzǵa qaıta oralýlaryna sep bolary sózsiz», – dedi Penal Reform International uıymynyń Ortalyq Azııadaǵy ókildiginiń aımaqtyq dırektory Azamat Shambılov.
Aıan Ábdýálı.
Derek, sýret: egemen.kz.