ASTANA. 9 naýryz. Facebook kompanııasy adam beınesine túrli keıiptegi maska qoıatyn MSQRD qosymshasyn satyp aldy. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
«Endigi kezekte biz óz tehnologııamyzdy Facebook jelisin paıdalanatyn 1,6 mıllıard adamǵa usyna alamyz. Aýdıtorııamyz osyndaı dárejege deıin ulǵaıady dep oılamaǵan edik», – deıdi MSQRD basshylyǵy.
Aldyn ala boljam boıynsha, bul qosymsha ázirge jeke servıs bolyp qala beredi. Qurastyrýshylary Evgenıı Nevgen, Sergeı Gonchar jáne Evgenıı Zatepıakın Ulybrıtanııadaǵy Facebook kompanııasynyń keńsesine kóshedi. Al kelisimshart somasy ázirge belgisiz.
MSQRD qosymshasy ótken jyldyń jeltoqsan aıynda paıda boldy. Al bıyl aqpan aıynyń sońyna taman tutynýshylar sany 10 mıllıon adamǵa jetkeni anyqtaldy. Álemniń 60-tan astam elinde suranysy joǵary qosymshalardyń arasynda birinshi oryndy ıelenip tur.
Aıan Ábdýálı.
Derek: RIA «Novostı».
Sýret: euroradio.fm.