Parlament Senaty Tóraǵasynyń orynbasary Asqar Beısenbaev Japonııa elshisi Masaesı Kamoharamen onyń bizdiń elimizdegi dıplomatııalyq qyzmetiniń aıaqtalýyna baılanysty kezdesti, dep habarlady Senattyń baspasóz qyzmeti.
Tóraǵanyń orynbasary Qazaqstan men Japonııa arasyndaǵy túrli saladaǵy yntymaqtastyqty nyǵaıtýǵa baǵyttalǵan belsendi jáne nátıjeli qyzmeti úshin dıplomatqa alǵys aıtty.
A.Beısenbaev «Nurly Jol» baǵdarlamasy men Bes ınstıtýttyq reformany iske asyrý jónindegi «100 naqty qadam» Ult Josparyn oryndaýdyń negizgi máselelerine negizdelgen Senattyń zań shyǵarý jumysymen tanystyrdy.
Kezdesý barysynda ıadrolyq qarýdy taratpaý jáne qarýsyzdaný salasyndaǵy yntymaqtastyqtyń máseleleri de talqylandy. «EKSPO-2017: bolashaqtyń energııasy» halyqaralyq kórmesine qoldaý bildirgeni úshin Japonııa úkimetine rızashylyq bildirgen Tóraǵanyń orynbasary Astanada japon kompanııalary ózderiniń jańa jetistikterin kórsetý úshin kórmeniń múmkindikterin barynsha paıdalana alatynyn jetkizdi.