Saılaýdy baıqaý jónindegi respýblıkalyq qoǵamdyq komıssııanyń múshesi Kamal Burhanovtyń pikiriniń toqeteri osy. Ońtústik Qazaqstan oblysyna jumys saparymen kelgen Kamal Nızamuly memlekettik emes komıssııanyń eshqandaı partııaǵa, úmitkerge jaq tartpaıtyndyǵyn, saılaýdyń ádil ótýi úshin barynsha baqylaý bolatyndyǵyn aıtty. Oblystyq saılaý komıssııasy tóraǵasymen arnaıy kezdesip, jaǵdaımen tanysqanyn, baıqaýshylarmen semınar-keńes ótkizgendigin tilge tıek etken ol tús aýa Qazyǵurt aýdanyna jolǵa shyǵyp, jergilikti jerdegi semınar jumysyna qatysatynyn aıtty.
Oblystyq saılaýdy baıqaý jónindegi komıssııanyń tóraǵasy Dosybaı Sherimqulov 1047 saılaý ýchaskesiniń 45-inde saılaýǵa daýys berý jabyq jaǵdaıda ótetindikten, baıqaýshylardyń qatysa almaıtyndyǵyn aıtty. Bular áskerı bólimder, aýrýhana, jazasyn ótep jatqan azamattarǵa arnalǵan saılaý ýchaskeleri eken. Komıssııa buǵan deıin 4 aýdanda semınar-keńes ótkizgen. «Baıqaýshynyń mindetteri men quqyǵy» metodıkalyq kitapshasynyń 1932 danasy shyǵarylyp, baıqaýshylarǵa taratylyp berilipti.
Brıfıngke arnaıy qatysqan oblystyq saılaý komıssııasynyń múshesi Altynbek Káttebekov búginge deıin tirkelgen úmitkerlerdiń 70-i dodadan shyǵyp qalǵanyn aıtty. Onyń 11-i oblystyq máslıhattan, 11-i qalalyq máslıhattan, qalǵan 48-i aýdandyq máslıhat depýtattyǵynan úmitkerler eken. Onyń ishinde óz ótinishimen kandıdatýrasyn alǵandardan bólek, tabys salyǵyn durys kórsetpegender de bar eken.
Al Maqtaaralda úmitker saılaý bastalmaı jatyp, aqsaqaldarǵa shaı berip, shapan japty dep aryzdanǵan azamatshanyń shaǵymyn qaraǵan komıssııa zańǵa qaıshy olqylyq tappaǵan. Saılaýaldy naýqanyn erte bastap jibergen taǵy bir úmitkerdiń isi sotta qaralyp jatyr.
Jıyndy qorytqan Dosybaı Aıtbaıuly saılaýdy baıqaýshylardyń barlyǵy derlik semınar-keńesten ótip jatqandyǵyn taǵy da eske saldy
Baqtııar TAIJAN,
«Egemen Qazaqstan».
ShYMKENT.