«Aıshanyń» aıran-súti-aı!

Elbasynyń qoldaýymen eli­mizde údemeli ındýstrııalyq-ın­no­vasııalyq damý baǵdarlamasy qolǵa alyndy. Atalǵan baǵdarlama boıynsha bizdiń oblysta mańyzdy jobalar júzege asyrylýda. Oǵan kiretin bastamalardyń biri – jer­gilikti turǵyndardy tabıǵı sút ónim­derimen qamtamasyz etý.   Bul óz kezeginde jańa óndiris pen ju­mys oryndarynyń ashyl­ýyna septigin tıgizbek. Sút jáne qyshqyl sút ónimderine jatatyndar sút, qy­myz, shubat, qurt, aıran jáne qaı­maq desek, osylardyń barlyǵy qalamyzdaǵy «Aısha» sút óńdeý sehynda shyǵarylady. Búginde kásiporyn eshqandaı qos­pasyz 10 túrli sút ónimderin shy­ǵarady. Jergilikti ónimder­ge degen suranys óte joǵary. Sút óńdeý sehy qala­myzdaǵy iri kásiporyndardyń biri. 2011 jy­ly qurylǵan óndiris orny zamanaýı qurylǵylar­men jab­­dyqtalǵan. Munda táýli­gi­ne 3 tonna sút óńdeýden ótedi. Shı­­­­­ki­­­zat seriktestikke qarasty sharýashylyqtan alynady. Mem­le­kettiń qoldaýyn tıimdi paı­dalana bilgen kásipker, bola­shaq­ta ónim­deriniń kólemin ulǵaı­týdy kózdep otyr. – Bul sút óńdeý sehynyń ózge sút zaýyttarynan ereksheligi – esh­qandaı qospasyz, júz paıyz tabıǵı sút óndiredi, sútti ózim­­­­­niń «Qalıqanuly» sharýa qo­ja­lyǵynan alǵyzamyn, ol Besqaraǵaı aýdanynda ornalasqan. Al endi jaqynda oblys basshysy Danıal Ahmetovtiń qoldaýymen Máskeýden 3000 lıtrlik tońazyt­qysh satyp aldym. Onymen Kókpekti aýdanyna baryp, sút jınaımyz, – dedi «Aısha» sút óń­deý sehynyń basshysy, Besqara­ǵaı aýdanyndaǵy «Qalıqanuly» sha­rýa qojalyǵynyń basshysy Marat Qalyqov. – Alǵashqy ónimdi qaladaǵy dúkenderge jiberemiz. Qazir súttiń qanshaǵa satylatyny eseptelý ústinde. Desek te, ónimniń baǵasy qoljetimdi, máselen, súttiń lıtri 140 teńgeden, aıran 180 teńge, taǵysyn-taǵy, tabıǵı sút ónimderiniń barlyǵy arzan. Búginde Semeıdegi «Aısha» sút óńdeý sehynyń basshysy, Bes­qaraǵaı aýdanyndaǵy «Qa­lıqanuly» sharýa qoja­ly­ǵynyń basshysy Marat Qalyqov tabandy eńbeginiń arqasynda osyndaı jetistikterge jetip otyr. – Sharýa qojalyǵymdy uıym­dastyryp bastaǵan kezimde, al­ǵa qoıǵan maqsatym el ekono­mı­­­­ka­syna úles qosý boldy, – deı­di Marat Qalyqov, – osydan birneshe jyl buryn jergilikti sút baǵytyndaǵy júz sıyrdy satyp alyp, iske kiristim. Al keler jyly qaladan sút óńdeıtin shaǵyn sehty ashtym. Sút óndirýdiń paıdaly sharýa ekendigin ańǵarǵan soń ýaqytty sozbaı Reseıden sút baǵytyndaǵy eki júzden astam asyl tuqymdy sıyrdy satyp aldym. Jergilikti sıyr kúnine on lıtr sút berse, al keıingi asyl tu­qymdy sıyrdyń árqaısysynan 12-14 lıtrden sút alýǵa bolady. Osy oraıda mal sharýa­shylyǵyn damytýǵa qoldaý bildirip otyrǵan respýblıka Úkimeti men salalyq mınıstrlikke, oblystyq jáne aýdandyq ákimdikke de alǵysymyz sheksiz, ótken jyly memleket tarapynan sýbsıdııa aldyq. Ol da úl­ken kómek. Árdaıym sharýamen aınalysamyn degenderge eshqandaı kedergi joq. Qaıta jergilikti bılik tarapynan qoldaý kóp. Raýshan NUǴMANBEKOVA. SEMEI.