AQMOLA. 15 naýryz. Festıvalǵa Aqmola jáne Soltústik Qazaqstan oblystarynyń 122 áýesqoı balyqshysy qatysty. Bul týraly egemen.kz tilshisi habarlaıdy.
Festıvaldi Aqmola oblystyq dene shynyqtyrý jáne sport basqarmasy óńirdegi «Kókshe jıHaz», «Torfeı», «Klevyı», «Rybak»» «Zoo prıroda» sekildi seriktestiktermen jáne «Alma TV» kabeldik televıdenıesimen birlesip uıymdastyrdy.
Jarys eki kezeńmen ótkizildi. Máselen, birinshi saıys boıynsha uıashyqty 3 mınýtta uńǵylaý báskesinde Iýrıı Lýnga jeńimpaz atandy. Ol osy ýaqytta 8 uıashyqty burǵylap úlgerdi. Al, balyq aýlaý jarysynda ár qatysýshyǵa eki jarym saǵat ýaqyt berildi. Munda 41 balyq ustaǵan Vıktor Evdokımov úzdik dep tanyldy. Sondaı-aq, 40 balyqty qarmaǵyna iliktirgen Aleksandr Jumaǵatov ekinshi, 26 balyq ustaǵan Evgenıı Skalskıı úshinshi oryndy enshiledi.
Jarystyń jekeleı esebinde 47,5 upaı jınaǵan Iýrıı Lýnga, komandalyq esepte «Narfın» balyqshylary altyn medalmen marapattaldy.
Festıvaldiń «Eń iri balyq ustaǵany úshin» júldesi Vıktor Evdokımov pen Sáýle Ospanovaǵa berildi.
Baqbergen Amalbek.
Derek, sýret: egemen.kz.