Kóp ýádeden kóńil qalǵan syńaıly
Ispanııadaǵy bask separatısteriniń ETA uıymy el úkimetine kezekti ret shyǵyp, ózderiniń budan bylaı lańkestik áreketter jasamaı, eldiń táýelsizdigi jolyndaǵy kúresin demokratııalyq, beıbit joldarmen júrgizetinin málimdedi.
Búgingi tańda Ispanııa men Fransııa memleketteriniń aýmaǵyna bólinip ketken aýmaqtaryn osylaı qaıtaryp, qaıtadan óz memleketimizdi beıbit jolmen quramyz degen olardyń málimdemesine eshkim senip otyrǵan joq. О́ıtkeni, mundaı málimdemeler buryn da jasalǵan bolatyn. Atap aıtqanda, bul – sońǵy bes jyldaǵy oq atýdy toqtatamyz delingen úshinshi málimdeme. 2006 jyly Madrıdtiń Barahas áýejaıynda jasalǵan lańkestik jarylystan soń Ispanııa bıligi olarmen kelissózderdi úzildi-kesildi toqtatyp, separatısterdiń kóshbasshylaryn qýǵyndaýǵa kóshken bolatyn.
Belgili ánshiniń úıin úptep ketti
Máskeýdegi «Zolotye klıýchı» dep atalatyn elıtalyq turǵyn úı kesheninde turatyn ánshi Vladımır Presnıakovtyń páterin belgisiz bireýler úptep ketipti.
Keshe tańerteń áıeli Natalıa Podolskaıamen birge Fransııadaǵy taý shańǵysy kýrortynan kelgen V.Presnıakov úıiniń astań-kesteńi shyǵyp, zattary tonalǵanyn kórip mılısııaǵa júgirgen. Aldyn-ala belgili bolǵan málimetke qaraǵanda páterden 200 myń eýro aqsha jáne 300 myń eýronyń altyn zattary urlanǵan. Sóıtip, shyǵynnyń jalpy kólemi 500 myń eýrony qurap otyr.
«Oıynnan» ot shyqty degen osy
Grýzııa qorǵanys mınıstrliginiń Rýstavı qalasynyń túbinde ornalasqan áskerı bazalarynyń birinde jarylys bolyp, úsh áskerı qaza taýyp, 13 adam jaralanǵan.
Bul áskerı baza jaýyngerlerdiń oqý-jattyǵý ortalyǵy retinde qoldanylyp kelgen. Kezekti jattyǵýǵa kelgen birinshi artıllerııalyq brıgadanyń mınometshiler rotasynyń oıyndary kezinde bolǵan osy jarylystyń sebebin Qorǵanys mınıstrligi snarıadtardy qoldaný barysynda jiberilgen qatelikten boldy dep otyr. Oqıǵa boıynsha Grýzııanyń áskerı polısııasy qylmystyq is qozǵap, tergeý júrgizýde.
Qylmysker túrmede otyrýy kerek
AQSh Kongresiniń ókilder palatasyndaǵy respýblıkashylar partııasynyń burynǵy kóshbasshysy Tom Dılzıany sot qylmysty dep taýyp, úsh jylǵa bas bostandyǵynan aıyrdy.
Tom Dılzıaǵa qarajatty jylystatý arqyly qylmys jasaǵan, naqty aıtqanda, korporasııalardan túsken 190 myń dollardy respýblıkashylardyń Tehas shtatyndaǵy saılaý naýqanyna jumsaǵan degen aıyp taǵylǵan bolatyn. 2005 jyly bastalǵan qylmystyq is aıaǵyna deıin jetkizilip, aqyry sot onyń qylmysyn dáleldep shyqty.
Kompıýtersiz damý joq ekenin uqqandaı
Túrkimenstan prezıdenti Gýrbangýly Berdymuhamedov ústimizdegi jyldyń 10 qańtaryna deıin barlyq basshy qyzmetkerler kompıýtermen jumys isteı bilýleri kerek degen qatań talap qoıdy.
Kelesi kezekte prezıdent qaǵazbastylyqtan arylyp, elektrondy úkimetke kóshý kerek degendi alǵa tartyp otyr. Barlyq oqý oryndarynda kompıýter kýrsy júrgizilip, ony aıaqtaǵan soń emtıhan tapsyrý da mindettelse kerek. Mundaı jáıttiń osydan bes jyl ǵana buryn Internetti jaý kórip, kompıýterdi kerek qylmaǵan elde oryn alyp otyrǵandyǵy tańdandyrady.
Respýblıkalyq sımpozıým ótpeı qaldy
Tatar halqy ózderinde M.Sháımıev basshylyǵynyń sıpattaryn saralaǵan «Tatarstan-2010» atty respýblıkalyq sımpozıým ótkizbekshi bolǵan edi.
Oǵan respýblıkadaǵy sarapshy ǵalymdar, saıasatkerler, tarıhshylar shaqyrylyp ta qoıylǵan-tyn. Biraq... biraq sol sımpozıým bılik tarapynan jasalǵan qysymnan keıin ótpeıtin boldy. Buǵan deıin tarıhshy N.Garıftiń halyq arasynda úlken qyzyǵýshylyq týdyrǵan «Tatar halqynyń azattyq kúresi» atty kitabyn talqylaýǵa arnalǵan dóńgelek ústel de ótkizilmeı tastalǵan bolatyn.
Eýroodaqty oılandyrmaq bolyp otyr
Fransııada ornalasqan «Ortalyq Azııadaǵy adam quqyqtary» atty assosıasııa Eýroodaqtyń О́zbekstan prezıdenti Islam Karımovti Brıýsselge shaqyrǵan sheshimine alańdaýshylyq bildirýde.
Uıymnyń jýrnalısterge taratqan baspasóz baıanynda: «Sapar 31 qańtarǵa belgilenipti, al 30 qańtar I.Karımovtiń týǵan kúni, soǵan qaraǵanda, Eýroodaq eń qatal dıktatorlardyń birine jaqsy syılyq ázirlep otyr», delingen. Odan ári I.Karımov Eýroodaq basshylarynyń qolyn alý qurmetine ıe bolǵan osy zamanǵy dıktatorlardyń ishindegi eń alǵashqysy ekeni aıtylǵan. Odan ári segiz tarmaqtan turatyn I.Karımovke taǵylǵan kinálar tirkelipti.
Internet materıaldary negizinde ázirlendi.