«Uly Jibek Joly» boıyndaǵy kerýen-poıyz

О́tken jeksenbide Qazaqstan Respýblıkasy Táýelsizdiginiń 25 jyldyǵyna arnalyp jolǵa shyqqan «Máńgilik El» áleýmettik poıyzy tańerteńgilik Túrkistan qalasyna aıaldady. Túrkistan qalasynyń temirjol vokzalynda ótken mıtıngide Oń­tústik Qazaqstan oblysy áki­mi­niń orynbasary U.Sádibekov pen «Máńgilik El» áleýmettik poıyzynyń shtab bastyǵy, professor Á.Álpeıisov sóz sóıledi. Quramynda 100-ge tarta ártúrli sala mamandary bar qonaqtar artynsha iske kirisip ketti. Qoǵamdyq kelisim keńesiniń qoǵamdyq qabyldaýy Mádenı-tarıhı etnografııalyq ortalyq ǵı­maratynda, áleýmettik máse­leler boıynsha keńester berý, jumys­pen qamtý jáne áleýmettik baǵ­darlamalar bóliminiń ǵıma­ra­tynda, tehnıkalyq túgendeý, jyljymaıtyn múlik quqyǵyn, azamattyq jaǵdaıdy, zańdy tul­ǵalardy tirkeý, qorǵaýshy jáne no­tarıat bo­ıynsha keńester berý ádilet basqarmasynyń keńsesinde ótti. Al memlekettik qyzmet kór­setý máseleleri boıynsha keńester berý qalalyq halyqqa qyzmet kórsetý ortalyǵynda, medısına máseleleri boıynsha keńester berý qalalyq emhanada, bıznes jáne kásipkerlik máseleleri boıynsha keńester berý kásipkerlik mektebinde júzege asty. Qalalyq emhanada áý basta 200-ge jýyq naýqas qaralady dep kútilip edi, shyntýaıtyna kelgende 300-diń ústine shyǵyp ketti. «Máńgilik El» áleýmettik poıyzy quramynda kelgen dárigerlerdiń ishinde sheteldik ozyq oqý oryndarynan dáris alyp, aldyńǵy qatarly emhanalarda óndiristik tájirıbeden ótken bilikti mamandar bar. Boıyn dert jaılap, shybyn janyn qoıarǵa jer tappaı júrgen naýqastardyń úmitin osydan uǵýǵa bolady. Qalalyq emhananyń ekinshi qabatynda bilikti dárigerlerden keńes alǵan naýqastar olarǵa «Allanyń nury jaýsyn», dep jatty. Qazaqstan ekonomıkasy órleýiniń birden-bir faktory – shaǵyn jáne orta kásip. Elbasy osy salaǵa úlken basymdyq berip, memleket tarapynan barynsha kómektesýdi Úkimetke tapsyryp júr. Kásipkerler úıinde ótken júzdesýde sýbsıdııa, jeńil nesıe alý jaıy kóp aıtyldy. Máselen, «Moldabekova» JK-niń ókili Aqjan Begdildaev konserv zaýytyn ashýǵa eki jyldan beri nesıe ala almaı júrgenin aıtady. Qujattarynda min joq. Alaıda, «ATF» bank kepilge qoıatyn múlikti azsynady. Onyń ústine, fırmanyń zaýyt qondyrǵylaryn ornalastyratyn ǵımaraty jalǵa alynǵan. Iаǵnı, jer de ózgeniki. Qosymsha «Sybaǵa» baǵ­darlamasymen jumys jasap, 60 iri qara, 2 asyl tuqymdy bu­qa baǵyp otyrǵan kásipker shaǵyn zaýyt úshin nysan salar bolsa, aqshasynyń qondyrǵy alý­ǵa jetpeıtindigin aıtady. «By­laı júrseń arba synady, bylaı júrseń ógiz ólediniń» keri. Túr­kistandy aınalyp ótetin «Batys Eýropa – Batys Qytaı» avto­magıstraliniń janynan quny 1,5 mlrd. teńgege bes qabattyq oıyn-saýyq ortalyǵyn kóterip jatqan kásiporynnyń ókili Qu­ral Qońyrbaev ta qurylysty aıaq­taýǵa jetpeı jatqan 500 mln. teńgeni eshbir bankten ala almaı, tabanynan tozyp júrgenin jetkizdi. Astanadaǵy EKSPO-ǵa 3 mıl­­lıonnyń ústinde týrıst keledi dep kútilýde. Qoja Ahmet Iаsaýı kesenesi – IýNESKO baǵ­­darlamasyna kirgen keshen. Iаǵnı, qazaq halqymen jaqyn tanysqysy keletin týrısterdiń shamamen 300 myńy Túrkistanǵa keletini anyq. Bes qabat orta­lyqtyń qyzmetindeı nysan kıeli qalada joqtyǵyn eskersek, ony tezirek iske qosý kerek. Jıynǵa qatysqan kásipkerlik ortalyǵynyń basshylary da kó­mektesýge tyrysqanymen, qol­dary qysqalyq etip tur. Túrkistandaǵy ındýstrııalyq aımaqtan kúıdirilgen kirpish zaýytyn salǵan kásip­oryn ókili Zafar Qalamov kirpishke kerekti topyraqtyń tek eski Saýran qala­sy aýmaǵynda bar ekendigin aıtady. Saýran – qazaqtyń ejel­gi qalasy, qalyń tarıhy. Kirpishke kerekti karer tarıhı eskertkishti qorǵaý aýmaǵyna kire me?! Kásipkerlik ortalyǵy men kásipkerdiń ózi Mádenıet jáne sport mınıstrligine úshbý hat jazǵanymen, bir aıdan beri jaýap ala almaı júr eken. Zaýyt jumysy toqtaǵan. Kim kó­mektesedi?! «Máńgilik El» poıyzy qu­ramynda kelgen sala basshylary bul problemalardy hat túrinde jazdyryp alyp, Pre­zıdent Ákimshiliginiń quzyryna tapsyratyndyqtaryn aıtty. Dúısenbi kúni «Máńgilik El» poıy­zy Shymkent qalasyna kelip jetti. Olar­­dy qala ákimi Ǵ.Ábdiraqymov kútip alyp, el atynan aq tilek aıtty. Po­ıyz músheleri qala turǵyndaryna medı­sınalyq, áleýmettik máseleler men mem­lekettik qyzmet kórsetý, kásipkerlik keńester berip, eldiń yqylasyna bólen­di. Keshqurym «Túrkistan» saraıynda Qazaqstan Respýblıkasy Táýelsizdiginiń 25 jyl­dy­ǵyna arnalǵan konsert boldy. Ońtústiktegi eki kúndik saparyn qorytyndylaǵan «Máńgilik El» áleý­met­tik poıyzynyń shtab bastyǵy, L.N.Gýmılev atyndaǵy Eýrazııa ulttyq ýnı­versıtetiniń professory Ámirjan Álpeıisov: – Keshe túrki áleminiń rýhanı astanasy, Maǵjan aqyn aıt­qandaı, eki dúnıeniń esigi Túrkistan shaharynda boldyq. Búgin qalyń qazaqtyń quıqaly óńiri, asqar asýy, altyn besigi Shymkent shaharyna jettik. Kıiz týyrlyqty qazaqty óz aldyna el qylǵan, áýlıe-ámbıe, han, batyr, bı-baǵlandarymyzdyń deniniń asyl súıegi Ońtústik jerinde máńgi damyldap jatyr. Biz el aralap dýmandatyp júrgen joqpyz, sonaý ata-baba armandaǵan halyqtyń bir­tekti «Máńgilik Elge» qalaı aınalyp jat­qan­dyǵyn kórsetkeli, kóz jetkizgeli keldik. О́ńirdegi keıbir máselelerdiń ońtaıly sheshilýine járdemdesip júrmiz. Osynaý iske qoldaý kórsetip, jumysty oıdaǵydaı uıymdastyrǵany úshin oblys ákimi Beıbit Atam­qulovqa, Túrkistan jáne Shym­kent qalalarynyń ákimderi Álip­bek О́serbaev pen Ǵabıdýlla Ábdiraqymovqa shtab atynan shynaıy alǵysymyzdy bildiremiz, – dedi. Uly Jibek joly boıynda úlken maq­satpen júrgen kerýen-poıyz múshe­lerine jurt ta rızashylyǵyn bildirdi. Baqtııar TAIJAN, «Egemen Qazaqstan». Ońtústik Qazaqstan oblysy.