ASTANA. 16 naýryz. Ekvadordyń shyǵysyndaǵy Pastasa provınsııasynda áskerı ushaq apatqa ushyrap, 22 adam qaza tapty. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
Bul aqparatty alǵash bolyp, memleket prezıdenti Rafael Korrea twitter jelisindegi jeke paraqshasynda málimdedi. «Frans Press» agenttiginiń habarlaýynsha, ushaq bortynda 19 sarbaz, eki mehanık jáne bir ushqysh bolǵan. Olar jattyǵý kezinde apatqa ushyrady.
«Ushaq bortynda bolǵandardyń bári qaza tapty. Aman qalǵandary joq. Olar bizdiń eldiń soldattary bolatyn», – dedi Rafael Korrea.
Aıan Ábdýálı.
Derek: RIA «Novostı».
Sýret: rbc.ua.