Ulttyq naqyshy mol ulyq mereke

Aqtóbe qalasynda bıyl ultymyzdyń ulyq merekesi Naýryzdy toılaý ózindik órnekpen bas­taldy deýge bolady. Osy jy­ly aqtóbelikter kún men tún teńesetin 22 naý­ryzǵa deıin ár kúndi naqty ataýmen ótkizýde. Mysaly, 14 naý­ryz «Kórisý» kúnimen bastalyp, «Jaınaý», «Taǵzym», «Sheberlik», «Shattyq», «Bereke», «Úı­lesim» ataýymen 21-22 naýryzdaǵy «Uly is» kúnine jalǵasady. Qazaq halqynyń ejelgi salt-dástúri boıynsha elimizdiń batys óńirinde 14 naý­ryzda kórisý bas­taldy. Osy dástúrge oraı oblys ákimi Berdibek Saparbaev aımaqtyń damýyna zor úles qosqan tanymal aqsaqaldardy quttyqtady. Eńbek ardageri Smatýlla Ber­kimbaev kórisý merekesinde adamdar tańerteńnen eń ádemi kıimderin kıip, kórshi-kó­lemdi jaǵalap, múmkin bolsa, jaqyn mańdaǵy aýyl-aımaqtardy aralap, amandyǵyn biletin bolǵanyn, KSRO jáne Qazaq KSR halyq aǵartý isiniń úzdigi, 88 jastaǵy Nıetjan Berikov kórisýdiń ós­keleń urpaqty tárbıeleýde úlken mańyzǵa ıe ekendigin atap ótti. О́z kezeginde óńir basshysy aq­saqaldarǵa zor densaýlyq, uzaq ǵumyr, baqyt ti­lep, ákimdik atynan estelik syılyqtar tapsyrdy. Aqtóbede jáne oǵan qarasty aýyldyq okrýgterde kóptegen is-sharalar, halyqtyq serýender ótedi, 60 kıiz úı tigilip, al­tybaqandar ornatylady. 21 naýryzda halyqtyq serýender Qobylandy batyr atyndaǵy ortalyq stadıon, «Mega Aqtóbe» SOK alańdarynda, Pýshkın atyndaǵy jáne «Retro» saıabaǵynda ótedi. Mereke qonaqtary bes konsert alańdarynda bola alady. Bul jerlerde ulttyq naqyshy bar sándi kıiz úıler ornatylyp, merekelik baǵdarlamalar uıymdastyrylady, ulttyq salt-dástúrler kórsetilip, konkýrstar, oıyndar ótkiziledi. Barlyq halyq serýendeıtin jerlerde ulttyq salt-dástúrler kórinis taýyp, merekelik baǵ­darlamalar, konsertter, konkýrstar, oıyndar, sporttyq jarystar uıymdastyrylady. Eń úzdik kıiz úıge konkýrstar, ájeler, qalyńdyqtar ara­syndaǵy, eń uzyn burymdy qyzdar arasyndaǵy jáne basqa da konkýrstar ótkizilmek. Naýryz merekesi kúni aqtó­belikter men qala qonaqtaryna dám tatqyzý úshin kafeler men meıram­hanalar 7 tonna baýyrsaq pen 5 myń lıtr naýryz kóje daıyndap, usynǵaly otyr. Naýryz merekesine arnalǵan qyzyqty da sándi jaryqtyq bezendirýler, shaǵyn sáýlettik pishinder jasaldy. Shaharda ár ataýly kún aıasynda ótkiziletin kópshilik mádenı-merekelik shara­lar jalǵasýda. Olarda ulttyq naqyshtyń burynǵydan da basymdaý bolýy aldyn ala oılastyrylǵan. Satybaldy SÁÝIRBAI, «Egemen Qazaqstan».  Aqtóbe oblysy.