Tatýlyqty tý etken kerýen Tarazǵa taban tiredi

Shalǵaı aýyldardaǵy ha­lyq­qa túrli kómek kórsetý maq­satynda jolǵa shyqqan «Máńgilik El» áleýmettik poıyzy Jambyl jerindegi saparyn Sarysý aýdanynan bastady. Alǵashqy kúni aýdan halqyna Joldaýdyń negizgi erejelerin túsindirip, «Máńgilik El» ulttyq ıdeıasyn keńinen nasıhattaý jumystary júrgizildi. Sondaı-aq, Jańatas qalasynda túrli mádenı is-sharalar uıym­das­tyry­lyp, áleýmettik qyzmet­terdiń, densaýlyq saqtaý, bilim berý, ádilet jáne bank ókilderi jergilikti halyqqa konsýlta­sııalyq qyzmetter kórsetti. Al sársenbiniń sátti kúni Áýlıeata jurtshylyǵy kelgen qonaqtardy Taraz temirjol vokzalynda qazaqy dástúrmen erekshe kútip aldy. Kıeli Taraz shahary bul poıyzdyń taban tiregen 31-beketi eken. – Saparyn Astana qala­synan bastaǵan bul kerýen óńir­degi eldi mekenderdi aralap, táýelsiz elimizdiń qol jetkiz­gen jetistikterin aıshyqtap, halyq­tyń birligin nyǵaıtýǵa óz úles­terin qosyp keledi, – degen Taraz qalasynyń ákimi Nurjan Kalen­derov kelýshilerdiń jumy­syna sáttilik tiledi. «Máńgilik El» áleýmettik poıyzy shtaby­nyń basshysy Ámirjan Álpeıi­sov bıylǵy jyldyń tarıhı jyl ekendigin, onyń ishinde el Táýelsizdiginiń 25 jyldy­ǵy­nyń erekshe atalynyp ótiletin­digin tilge tıek etip, basqa ob­lystardyń Jambyl jerine jol­daǵan ystyq sálemin jetkizdi. Quramynda ár salanyń quzyr­ly ókilderi bar bul delegasııa halyqpen dıdarlasyp, olardyń máselelerine qulaq asyp, sapar bastalǵaly beri 40 myńnan astam ke­ńes beripti. Qarjy sala­syn­­­da­ǵy qordalanǵan keder­gi­lerge qa­tysty keleli keńes­tiń biri Jam­­byl oblysy ákim­digin­de ótti. Qarjy mı­nıstr­ligi Mem­le­ket­tik satyp alý ko­mı­tetiniń tap­sy­rys berý­shi­ler men jumys jónin­degi basqarmasynyń basshysy Ber­libaı Arysbaev jáne atal­ǵan mınıstrlikke qarasty Mem­lekettik múlik jáne jeke­she­lendirý komıtetiniń tór­aǵa keńesshisi Nurmahan Ábý­­qasymuly memlekettik satyp alý máselesine qatysty sheshimin tappaı otyrǵan jaǵdaılar men jańa zańnamadaǵy birqatar ózgeristerdi keńinen aıtyp ótti. Jıyn barysynda jergilikti mamandar «Veb-portal jumy­sy­nyń tehnıkalyq qyz­meti­men habarlasý múmkin emes. Portalǵa salynǵan kelisim­shart­tar talapqa saı bolsa da, qazynashyl oryndar ózger­týdi talap etýde. Bul biz úshin eki jumys bolyp otyr» degen oryndy suraq qoıdy. «Kem­shilikterdiń barlyǵy ýa­qytsha. Kelisimshart veb-por­talǵa 5 jumys kúninde ornalastyrylýy kerek. Mem­lekettik satyp alý zańy bo­ıynsha 3 jaǵdaıda shart jasaldy dep sanalady. Birinshisi – qol qoıylǵan kún­nen bas­tap. Ekinshisi – qam­tamasyz etý somasyn 10 kún ishinde engizgennen bastap, al, úshinshisi – tirkeýden ótetin shart bolsa ǵana ol kelisim iske qosylady. Tikeleı shart jasasý men bir kózden alý tásili qol­­danylǵan jaǵdaıda esep ót­ki­ziledi dep zańda jazylǵan. Al qa­ǵıdada ótpeı qalǵan konkýrs­tar boıynsha dep kerisinshe kór­­setilgen. Shyn mánisinde, zań árdaıym joǵary turady. Bi­raq, qaǵıdany da esepke ala oty­ryp ekeýi boıynsha toltyra be­ri­ń­izder. Bul jyl basynan beri kóterilip jáne onyń she­sh­i­min tabýdyń san joldary qa­ras­­ty­rylyp jatqan másele», – dep jaýap qatty Berlibaı Ergenbaıuly. Budan keıin «Máńgilik El» áleýmettik poıyzynyń delegattary oblystaǵy etnomádenı birlestikterdiń ortaq shańy­ra­ǵy­na aınalǵan «Dostyq» úıi­ne bas suǵyp, «El birligi – yn­­­­­ty­­­­maqta» taqyrybynda uıym­­­­das­­tyrylǵan ǵylymı-tá­ji­­rı­­belik konferensııanyń ju­­­­my­syna qatysty. QHA mú­shes­i, Astana qalasy qoǵam­dyq ke­ńe­siniń múshesi, profes­sor Qazbek Qazkenov túri bas­qa bolsa da, ti­legi bir otan­das­tary­­myzdyń bas­ty baılyǵy mem­leketimizdiń myzǵymas birligi ekenin basa aıtty. – Qazaqstandyqtar jer be­tin mekendegen eshbir halyq­tan kem emes. Keń-baıtaq da­la­myzdyń perzentteri kúl­li álemdi boılaryndaǵy ba­tyl­dyǵymen, saf ónerimen álde­qa­shan moıyndatyp qoıǵan. Máselen, jaýjúrek batyrlary­myz Raqymjan Qoshqarbaev, Baýyr­jan Momyshuly, Talǵat Bı­gel­dınovpen keýde kerip maqtan­­saq, kómeılerine bulbul qus uıa salǵan ánshilerimiz Ámire Qa­­shaýbaev, Roza Baǵlanova, Bıbi­gúl Tólegenovanyń óner­lerine qanshama dúıim jurt qol soqty deseńizshi! Búginde qazaq jerinen shyqqan dańqty boks­shymyz Gennadıı Golovkınniń erligi kóp jastarymyzǵa úlgi, – dedi Qazbek Maılybaıuly. Al, qarashaı-balkar etnomádenı bir­lestiginiń tóraıymy Lıýd­mı­la Hochıeva árbir qazaq­stan­dyq azamat aırandaı uıyp otyrǵan elimizdiń beıbit tirligin kóz­deri­niń qarashyǵyndaı saq­taý­ǵa jáne birligimizdiń ydy­ramaýy­na jaýapty ekenin alǵa tartty. Qonaqtar stýdenttermen já­ne jumysshylarmen kezde­sip, bilim berýdi damytý, den­saý­lyq saqtaý máseleleri boıyn­sha aqyl-keńester berdi. Jáne oblystyq Shoqan Ýálı­hanov ki­taphana júıesine qun­dy kitap­tar tartý etip, sońynan óńir tur­­ǵyndaryn jeke máse­leleri boıyn­­sha qoǵamdyq qabyldaý ótkizdi. Oralhan DÁÝIT, «Egemen Qazaqstan». Jambyl oblysy.