Qazaqstanda jańa mádenı mekeme – «Mádenıetterdi jaqyndastyrý ortalyǵy» memlekettik mýzeıi» RMQK quryldy. Bul ǵylymı mekemeniń dırektory qyzmetin atqarýshy bolyp Ulttyq Ǵylym akademııasynyń akademıgi, IýNESKO-nyń halyqaralyq sarapshysy Karl Baıpaqov taǵaıyndaldy.
Mádenıetterdi jaqyndastyrý ortalyǵy qyzmetiniń basty maqsaty mýzeı qundylyqtary men tarıhı-mádenı murany anyqtaý, jınaqtaý, tolyqtyrý, saqtaý, zerdeleý jáne nasıhattaý bolyp tabylady. Sondaı-aq mekeme ulttyq murany, onyń ishinde Qazaqstan Respýblıkasynyń mádenı mura nysandaryn saqtaý jáne paıdalaný salasynda qoldanbaly, jobalyq, izdenistik, ǵylymı zertteýlerdi júrgizedi.
Jańa ǵylymı mekemeniń basshysy Karl Moldahmetuly Baıpaqov – Qazaqstan men Ortalyq Azııadaǵy orta ǵasyr arheologııasy salasynyń mamany. Ol arheologııa jádigerleriniń saqtalýy men qorǵalýyna zor úles qosqan bilikti maman. Karl Baıpaqov halyqaralyq ǵylymı izdenisteriniń basty baǵytyna Uly Jibek jolyn onyń Eýrazııa memleketterimen saıası, ekonomıkalyq jáne mádenı baılanystar aıasynda zertteý máseleleri jatady. 2006 jyldan beri «Uly Jibek joly» transshekaralyq nomınasııasyn daıyndaý boıynsha IýNESKO-nyń halyqaralyq sarapshysy bolyp keledi.
Raýan QAIDAR,
«Egemen Qazaqstan».