ǵylymı ataǵyn 30 jyldan keıin aldy
Fransııada turatyn 91 jastaǵy Kollet Býrle 30 jylǵy zertteý jumysynyń nátıjesinde ǵylym doktory degen ǵylymı ataqqa qol jetkizdi. Dıssertasııa qorǵaý Fransh-Konte ýnıversıtetinde júzege asyrylǵan.
Zertteý jumysy Bazansonda XX ǵasyrdyń ekinshi jartysynda eńbek etken mıgranttar ómirine arnalǵan. Ǵalym ony túgeldeı qolymen jazyp shyqqan. Ǵylymı keńes jumysqa joǵary baǵa bergen. Sonyń negizinde zertteýshi akademııalyq dárejeni óte jaqsy qorǵap shyqqan.
Kolett Býrle 1925 jyly Lıon qalasynda týǵan eken. Ol atalǵan eńbegin jazýdy osydan 30 jyl buryn bastapty. «Bul bir 30 jyl ýaqyt boıy daıyndalǵan erekshe jumys eken. Ony 60 jasynda bastaǵan izdenýshi osynsha ýaqytta aıtarlyqtaı nátıjege qol jetkizgen», – dedi ǵylymı jetekshisi Serj Ormo.
Ádette dıssertasııa úsh jylda jazylyp shyǵýy kerek. Demek, bul jerde jasy ulǵaıǵan kisiniń eńbegi eskerilip otyrsa kerek.
Damır QOJAMQUL.