Kúres – qazaq úshin tarıhı sport túri

Elbasy Nursultan Nazarbaev «Birikken kúres álemi» halyqaralyq federasııasynyń prezıdenti Nenad Lalovıchti qabyldady, dep habarlady Prezıdenttiń baspasóz qyzmeti. Memleket basshysy kúres túrleri boıynsha Azııanyń Olım­pıa­dalyq biliktilik týrnırin ótki­zý maqsatymen Astanaǵa kelgen N.La­lovıchtiń saparyna rızashy­lyq bildirdi. – Kúres – qazaqtar úshin tarıhı sport túri. Bizdiń elde ejelden-aq balýandar kúresinsiz birde-bir mereke ótpegen. Búginde memleket sporttyń osy túrin jastar ara­synda tanymal etý úshin zor kúsh-jiger jumsap otyr, sonyń arqa­synda Qazaqstan halyqaralyq are­nada joǵary nátıjelerge qol jet­kizdi, – dedi Nursultan Nazarbaev. «Birikken kúres álemi» halyq­aralyq federasııasynyń prezı­denti Astanada ótetin týrnır­di uıymdastyrýǵa qoldaý kórse­til­geni úshin alǵys aıtty. Sondaı-aq, kezdesý barysynda N.Lalovıch Nursultan Nazarbaevqa «Bi­rikken kúres álemi» halyq­ara­lyq federasııasynyń qurmet ordenin tapsyrdy. Sýretti túsirgender S.BONDARENKO, B.OTARBAEV.