Qazaqstan Respýblıkasy Premer-Mınıstriniń birinshi orynbasary Baqytjan Saǵyntaev Máskeýde Eýrazııalyq ekonomıkalyq komıssııa (EEK) Keńesiniń otyrysyna qatysty, dep habarlady Premer-Mınıstrdiń baspasóz qyzmeti.
Otyrysta qaralǵan máseleleriniń aıtarlyqtaı blogy Qazaqstan Respýblıkasynyń Prezıdenti N.Á.Nazarbaevtyń Qazaqstannyń EAEO organdaryna tóraǵalyǵy sheńberinde Eýrazııalyq ekonomıkalyq odaqqa múshe memleketter basshylaryna Úndeýinde keltirilgen bastamalarmen sáıkesedi.
EEK Keńesiniń músheleri EAEO rynogyndaǵy kedergilerdi, alýlardy jáne basqa da shekteýlerdi joıý máselelerin talqylady, oryn alyp otyrǵan shekteýler málimetteriniń elektrondy bazasyn qurý týraly ýaǵdalastyqqa qol jetkizildi.
Bolashaqta Odaq memleketteriniń bıznes-qaýymdastyǵy kedergilerdi joıý jónindegi jumys barysymen onlaın rejiminde tanysý múmkindigine ıe bolmaq.
Sondaı-aq, otyrysqa qatysýshylar ónerkásip salasynda bolashaqta eýrazııalyq tehnologııalyq tuǵyrnama qurý múmkindigin de talqylady, ol memlekettiń qolda bar ınnovasııalyq áleýetin tıimdi paıdalanýǵa, ózara tıimdi ónerkásiptik kooperasııa úshin negizdi qamtamasyz etýge jaǵdaı jasaıtyn bolady.