Naýqanǵa 13 399 komıssııa tartylǵan

[caption id="attachment_30190" align="aligncenter" width="560"] 4[/caption] Keshe Ortalyq saılaý komıssııasynyń hatshysy Baqyt Meldeshov Qazaqstan Respýblıkasy Parlamenti Májilisiniń jáne máslıhattarynyń depýtattaryn saılaý­da saılaý aldyndaǵy úgittiń aıaqtalýy jáne daýys berý kúnine daıyndyq máseleleri týraly brıfıng ótkizdi.  2016 jylǵy 18 naýryz kúngi saǵat 24.00-de Parlament Májilisi depýtattaryn saılaýda partııalyq tizimderin usynǵan saıası partııalardyń saılaý aldyndaǵy úgiti, sondaı-aq, máslıhattar depýtattyǵyna kandıdattardyń saılaý naýqany aıaqtaldy. Ortsaılaýkom hatshysy B.Meldeshovtiń atap ótkenindeı, saılaýdy uıymdastyrý men ótkizýge barlyǵy 13 399 saılaý komıssııasy tartylǵan. Olardyń ishinde 9 840 ýchaskelik saılaý komıssııasy, 171 aýdandyq, 37 qalalyq, 16 oblystyq, Astana jáne Almaty qalalary aýmaqtyq saılaý komıssııalary, sondaı-aq, aýdandyq máslıhattarǵa saılaý jónindegi 2 160 okrýgtik saılaý komıssııasy, qalalyq máslıhattarǵa saılaý jónindegi 625 okrýgtik saılaý komıssııasy jáne oblystyq máslıhattarǵa saılaý jónindegi 550 okrýgtik saılaý komıssııasy jumys isteýde. Jalpy alǵanda, olardyń quramynda 93 myńnan astam múshe bar. «Olardyń barlyǵy tıisti daıyndyq pen oqytýdan ótti. Elektorattyq naýqan kezeńinde aýmaqtyq saılaý komıssııalary saılaýdy uıymdastyrýshylardy quqyqtyq oqytý jóninde 900-ge jýyq semınar, keńes, trenıng jáne ózge de is-sharalar ótkizdi, – dedi OSK hatshysy. – Ortalyq saılaý komıssııasy úsh respýblıkalyq semınar – saılaý­dy uıymdastyrýshylar úshin, BAQ ókilderi úshin jáne saılaýǵa qatysatyn saıası partııalar úshin uıymdastyrdy. Sonymen qatar, Ortsaılaýkom barlyq saılaý komıssııalaryn qajetti ádistemelik materıaldarmen qamtamasyz etti. Atap aıtqanda, OSK tapsyrysy boıynsha aýmaqtyq, okrýgtik jáne ýchaskelik saılaý komıssııalary, saıası partııalar men olardyń senim bildirgen adamdary, máslıhattar depýtattyǵyna kandıdattar men olardyń senim bildirgen ókilderi, baıqaýshylar men BAQ ókilderi úshin aqparattyq plakattardyń 8 túrin jáne jadynamalardyń, quraldardyń, jınaqtar men basqa da baspa ónimderiniń 14 ataýy ázirlendi. OSK tapsyrysymen basyp shyǵarylǵan ádistemelik quraldar www.election.gov.kz resmı ınternet-resýrsynda ornalastyrylǵan». Komıssııa hatshysynyń málim etýinshe, ýchaskelik saılaý komıssııalary úshin «Saılaý kúni daýys berý rásimderi týraly» arnaıy oqytý fılmi ázirlendi, ol elimizdiń aýmaqtyq, okrýgtik jáne ýchaskelik saılaý komıssııalaryna jiberilgen. Ýchaskelik saılaý komıssııalary barlyq qajetti qujattarmen jáne jabdyqtarmen qamtamasyz etilgen. Saılaý bıýlletenderi saılaý ýchaskelerine jetkizildi. Qazirgi kezde daýys berý kúnine belsendi daıyndyq júrýde. «Búginde saılaýshylar tizimderin naqtylaý úderisi jalǵastyrylýda. 2016 jylǵy 1 qańtardaǵy jaǵdaı boıynsha saılaýshylar tizimderine 9 791 165 adam engizildi, – dep jalǵastyrdy sózin B.Meldeshov. – Saılaý kúni saılaýshy elimizdiń kez kelgen saılaý ýchaskesinde daýys berýi úshin, ol aldyn ala daýys berý quqyǵyn beretin esepten shyǵarý kýáligin alý qajet. Saılaýshylar ony 19 naýryz kúngi saǵat 18.00-ge deıin ala alady. Esepten shyǵarý kýáligi bir eldi mekenniń shegindegi basqa saılaý okrýginde nemese basqa saılaý ýchaskesinde daýys bergisi kelgen saılaýshylarǵa berilmeıtinin atap ótkim keledi. О́ıtkeni, partııalyq tizimder boıynsha saılanatyn Parlament Májilisiniń depýtattaryn saılaýda elimizdiń barlyq aýmaǵy saılaý okrýgi bolyp tabylady. Sondyqtan osy saılaýda esepten shyǵarý kýáligi bar saılaýshylar elimizdiń kez kelgen núktesinde daýys bere alady. Al máslıhattar depýtattyǵyna kandıdattarǵa óz saılaý okrýgi sheginde ǵana daýys berýge bolady». OSK hatshysy daýys berýdiń ýaqtysynan da habardar etti. Daýys berý 20 naýryz kúni jergilikti ýaqyt boıynsha saǵat 07.00-den bastap 20.00-ge deıin 9 840 saılaý ýchaskesinde ótedi. Shet memleketter men halyqaralyq uıymdardyń 817 baıqaýshysy aldaǵy saılaýdy baıqaýdy júzege asyrady. Budan basqa, Qazaqstan Respýblıkasy Syrtqy ister mınıstrligi qazirgi ýaqytta sheteldik BAQ-tardyń 147 ókilin akkredıttedi. Qazirgi ýaqytta barlyǵy 964 halyqaralyq baıqaýshy men sheteldik buqaralyq aqparat quraldarynyń ókili akkredıttelgen. «Sonymen qatar, daýys berý barysy men daýystardy sanaý rásimin baıqaýǵa kandıdattar men partııalardyń senim bildirgen adamdary, qoǵamdyq birlestikter, ÚEU jáne buqaralyq aqparat quraldarynyń ókilderi qatysa alady», – dedi B.Meldeshov. Álısultan QULANBAI, «Egemen Qazaqstan».