Kógildir otyn kompanııasy kóp shyǵynǵa batypty

Byltyrǵy jyly «Qaz­TransGaz Aımaq» AQ-tyń ishki naryqqa satylǵan gazdan shekken shyǵyny 124 mlrd. teńgeni qurapty. Bul jóninde Ortalyq kommýnıkasııalar qyzmetinde ótken baspasóz máslıhatynda kompanııanyń bas dırektory Ibýlla Serdıev aıtty. Sharaǵa Energetıka mı­nıstr­ligi gaz ónerkásibin damytý depar­tamentiniń basshysy Ǵalym Nurǵa­zıev ta qatysyp, elimizdegi gaz ón­dirisi týraly áńgimeledi. Byltyrǵy jyly elimizde 45,3 mlrd. tekshe metr gaz óndirilgenin aıtqan departament basshysy, kógildir otyn­dy tutynýshylar sany da artyp kele jatqanyn jetkizdi. «Qazaqstan táýel­siz­dik alǵan kezden beri gaz óndirýdi 5,5 esege arttyrdy. 2015 jyly Qazaqstan 45,3 mlrd. tekshe metr gaz óndirdi. Bul 2014 jylmen salystyrǵanda 5 paıyzǵa kóp. Sonymen birge, gaz eksportynyń da kólemi artqan. Byltyr Qazaqstan 12,7 mlrd. tekshe metr gaz eksporttady. Bul 2014 jylmen salystyrǵanda 15 paıyz­ǵa, 2000 jylǵa qaraǵanda 3,5 ese joǵa­ry. Ol kezde tek 3,4 mlrd. tekshe metr gaz shetelge satylǵan bolatyn», degen ol, ekonomıkanyń ósýine jáne Úki­mettiń eldi gazben qamtamasyz etý baǵdarlamasynyń arqasynda gazdyń ishki tutyný kólemi edáýir artyp otyrǵanyn aıtty. Bul 2000 jylmen salystyrǵanda 2,2 esege kóp kórinedi. Al elimizdegi gazdandyrý jáne kógildir otynmen jabdyqtaý salasynda ótken jyly atqarylǵan jumystarmen tanystyrǵan «QazTransGaz» kompa­nııa­synyń bas dırektory respýblıkanyń 10 aımaǵynda 7 mıllıonnan astam turǵyndy jáne 30 myńnan astam kásiporyndy gazben úzdiksiz qamtamasyz etip otyrǵandaryn aıtty. «Memleket basshysy ulttyq operatorǵa elimizdiń barlyq aýyl-aımaǵyn gazben qamtý qajettigi týraly naqty tapsyrmalar berdi. Bul tapsyrmalardy oryndaý úshin aýqymdy jumystar atqaryldy. Qazir kórip otyrǵanymyzdaı, elimizdiń gaz júıesin jańǵyrtý men gazdandyrýǵa qatysty josparlanǵan barlyq ınvestısııalyq jobalar iske asyryldy», – dedi I.Serdıev. Kompanııanyń qol jetkizgen tabystary jóninde áńgimelegen bas dırektor salada oryn alyp otyrǵan qıyndyqtardy da jasyryp qalmady. «Nazarlaryńyzdy myna bir málimetke aýdarǵym keledi. Bizdiń kompanııa ishki naryqqa kógildir otyn satýdan qyrýar shyǵyn kórip keledi. О́ıtkeni, búginde gazdyń kóterme baǵasy onyń ózindik qunynan aıtarlyqtaı tómen deńgeıde bekitilgen. Sonyń saldarynan ulttyq operatorǵa ótken 2015 jyly ishki naryqqa satylǵan gazdan kelgen shyǵyn 124 mlrd. teńgeni qurady. Osy qarjylyq shyǵyndardyń ornyn kompanııa gaz tasymaldaý jáne tranzıttik tasymaldaý men eksporttyq operasııa­lar esebinen jaýyp otyr», – dedi bas dırektor. Shara barysynda Astanany gazdandyrý jobasy da nazardan tys qalmady. Ǵ.Nurǵazıev elordaǵa gaz tartý jónindegi másele belgisiz merzimge toqtatylǵanyn aıtty. «Búgingi tańda Astanaǵa gaz qubyryn tartýdyń eki jobasy bar. Olar – Qostanaı oblysynan tartylatyn «Qartaly – Tobyl – Kókshetaý – Astana» magıstrali men «Beıneý – Bozoı – Shymkent» qubyryna «Qyzylorda – Jezqazǵan – Temirtaý – Qaraǵandy – Astana» magıstralin jalǵaý arqyly elordaǵa gaz jetkizý. Birinshi joba bo­ıynsha jumystar atqaryldy, jobalyq-smetalyq qujattamasy da bar. Ekinshi magıstral boıynsha azdaǵan texnıkalyq-ekonomıkalyq esepteýler jasaldy. Qazirgi ýaqytta eki jobany da toqtata turý týraly sheshim shyǵaryldy. Ázirge belgisiz merzimge», – dedi departament dırektory. Nurbaı ELMURATOV, «Egemen Qazaqstan».