ASTANA. 20 naýryz. Qazaqstan Respýblıkasynyń Qorǵanys mınıstri Imanǵalı Tasmaǵambetov saılaý ýchaskesine kelip, barlyq deńgeıdegi máslıhattar men partııalyq tizim boıynsha usynylǵan Parlament Májilisi depýtattarynyń kezekten tys saılaýynda daýys berdi. Bul týraly egemen.kz tilshisi habarlady.
Qorǵanys mınıstri Imanǵalı Tasmaǵambetov Nazarbaev ýnıversıtetinde uıymdastyrylǵan № 97 saılaý ýchaskesinde óz azamattyq paryzyn oryndady.
Kezekten tys saılaýda daýys berýge Qarýly Kúshterdiń ókilderi men olardyń otbasy músheleri qatysyp jatyr. Olardyń arasynda Qorǵanys mınıstrligi, Bas shtaby men QR Qarýly Kúshter qurylymdyq bólimsheleriniń, ortalyq baǵynystaǵy bólimder men mekemelerdiń, QR QK Qurlyq áskerleri, Áýe qorǵanysy kúshteri, Áskerı-teńiz kúshteri áskerı bólimderiniń, áskerı oqý oryndary men jergilikti áskerı basqarý organdarynyń áskerı qyzmetshileri bar.
Dastan Kenjalın.
Derek, sýret: Qorǵanys mınıstrligi.