ASTANA. 20 naýryz. Belgili jattyqtyrýshy Joze Moýrınıý Anglııanyń «Manchester Iýnaıted» komandasymen aldyn ala kelisimge qol qoıdy. Bul týraly TASS aqparat agenttigine silteme jasaǵan egemen.kz tilshisi habarlady.
El Paris basylymynyń habarlaýynsha, Moýrınıý osy jyldyń 1 mamyryna deıin ózge komandalarmen kelisimshart jasaspaıtyn bolsa, «Manchester Iýnaıted» basshylyǵy 6,5 mıllıon eýro syıaqy beredi. Al 1 maýsymǵa deıin klýb basshylyǵy portýgal mamanyn jattyqtyrýshy etip taǵaıyndamasa, ótemaqy retinde 13 mıllıon eýro tóleıdi.
Osyǵan deıin «Chelsıdiń» eks-jattyqtyrýshysy jańa komandasynda úsh jylda 60 mllıon eýro jalaqy alatyny habarlanǵan.
Aıta keteıik, Joze Moýrınıý «Chelsı» klýbyn eki márte jattyqtyrǵan. 2004 jyldan 2007 jyl aralyǵynda Anglııanyń eki dúrkin chempıony (2004/05, 2005/06) atansa, 2007 jyly Anglııa kýbogyn, 2005, 2007 jyldary Lıga kýbogyn jáne 2005 jyly Anglııa Sýperkýbogyn jeńip alǵan. Osydan soń, 2008-2010 jyldary Italııanyń «Inter» jáne 2010-2013 jyldary Ispanııanyń «Real» komandalarynda qyzmet etken.
Bıylǵy maýsymda «Manchester Iýnaıted» komandasy 29 oıynnan keıin 47 upaımen 6-orynda keledi. Chempıondar lıgasynyń toptyq kezeńinen shyǵa alǵan joq. Sondaı-aq, Eýropa lıgasynyń 1/8 fınalynda «Lıverpýl» komandasyna ese jiberip qoıdy.
Aıan Ábdýálı.
Derek: TASS.
Sýret: news.sportbox.ru.