ASTANA. 20 naýryz. AQSh-tyń Qazaqstandaǵy Tótenshe jáne ókiletti elshisi Djordj A.Krol barsha qazaqstandyqty Naýryz merekesimen quttyqtap, qazaq tilinde óz tilegin bildirdi. Bul týraly AQSh elshiliginiń Facebook-tegi resmı paraqshasynda jarııalanǵan málimetke silteme jasaǵan egemen.kz tilshisi habarlady.
Elshi óz quttyqtaýynda: «Qurmetti, qazaqstandyqtar! Qazaqstandaǵy Amerıka Qurama Shtattary elshiliginiń atynan sizderdi Naýryz merekesimen quttyqtaımyn. Myńdaǵan jyldar boıy naýryz aıynda týǵan týystar men dos-jarandar bas qosyp, jańa kóktemdi qarsy alady. Bul kóktem merekesi qarsańynda sizderge jáne otbasylaryńyzǵa zor densaýlyq, mol baqyt, qut-bereke tileımin. Ulystyń Uly kúni qutty bolsyn!», – dedi.
Eskere ketetin jaıt, AQSh elshisiniń quttyqtaý beınerolıgin túsirý úshin qazaqtyń kıiz úıi, al mýzykalyq fony retinde belgili kúıshi Seken Turysbekovtiń «Kóńil tolqyny» kúıi tańdalyp alynǵan.
Elaman Qońyr.
Derek, sýret: facebook.com.