Qýatty qoldaý

Keshe Memleket basshysy – «Nur Otan» partııasynyń Tóraǵasy Nursultan Nazarbaev uıymnyń respýblıkalyq saılaýaldy shtabynda bolyp, nurotandyqtarmen birge saǵat 00:00-de jalpyulttyq Exit-poll nátıjeleri baıandalǵan jańalyqtar shyǵarylymyn tyńdady. Elbasy Nursultan Nazarbaevty partııanyń saılaýaldy shtabyna molynan jınalǵan jas­tar, senimdi ókilder, respýblıkalyq jáne óńirlik shtabtardyń belsendileri qurmetpen qarsy aldy. Kópshiliktiń «Qazaqstan!», «Nursultan!», «Nur Otan!» degen úni eńseli de ásem ǵımarattyń ishin jańǵyrtyp jiberdi. Sharanyń alǵashqy sátinde «Nur Otan» partııasy Tóraǵasynyń birinshi orynbasary Asqar Myrzahmetov Elbasyna jáne jınalǵan qaýymǵa qarata Ortalyq saılaý komıssııasymen baılanysqa shyǵyp, Exit-poll nátıjelerin tyńdaýǵa múmkindik bar ekenin jetkizdi. Ile beınekórsetilim arqyly «Demokratııa ınstıtýty» ǵylymı-zertteý assosıasııasy jobasy boıynsha dırektory Iýlııa Kýchınskaıa Exit-poll nátıjelerin habarlady. Sol sátte osyǵan deıin «Nur Otan» partııasy saılaýshylardyń 82 paıyz daýysyn jınaǵany belgili boldy. Memleketimizdiń damýyna, halqymyzdy birlik pen yntymaqqa uıystyrý jolynda tabysty qyzmet etip kele jatqan partııanyń bul jeńisin estigen kópshilik qoshemetpen qol soǵyp, keń ǵımarat qýanyshty daýystarmen jańǵyryqty. Budan keıin jınalǵandarǵa sóz arnaǵan Qazaqstan Prezıdenti bar­lyǵyn tarıhı jeńispen qut­tyqtady. – Aldyn ala málimetter boıyn­sha, saılaýshylardyń basym kóp­shi­ligi «Nur Otan» partııasyna senim bildirdi, bul – búkil halyq­tyń jeńisi. Qazaqstandyqtar el­de júrgizilip otyrǵan saıasat­ty, partııa jarııalaǵan baǵdar­la­malar men reformalardy taǵy da qoldap shyqty. Búgin men bar­lyq daýys berýshilerge rızashy­lyǵymdy bildiremin. Bizdiń par­tııamyzdyń árbir múshesi osy bir kúrdeli kezeńde kórsetilgen senimdi baǵalaýy tıis. Bul jeńis – kópjyldyq jumystyń nátı­jesi. Soǵan oraı óńirlik shtab­tarǵa, belsendiler men partııa erik­tilerine alǵys aıtamyn. Saılaýdy 800 sheteldik jáne 10 myńǵa tarta jergilikti baıqaýshylar baqylady, olar saılaý úderisi zańnamaǵa sáıkes ótkenin atap ótti. Biz álemdik qoǵamdastyq aldynda ashyq ári ádil saılaý ótkizdik, – dedi Memleket basshysy. Odan ári Nursultan Nazarbaev saılaýǵa qatysqan ózge partııalarǵa da alǵys bildirdi. – Olar belsendilik tanytty, «Nur Otan» partııasy olar­dyń aıtqan usynystary men esker­týlerin nazarǵa alady jáne atal­ǵan máseleler boıynsha ózara is-qımyldy jalǵastyrady, – dedi Qazaqstan Prezıdenti. Sońynda Memleket basshysy barshany partııanyń jeńisimen quttyqtap, partııa múshelerine aldaǵy ýaqytta qajyrly eńbek etip, tabysqa jetýge tilektestigin bildirdi. Aıta keteıik, jıyn barysyn­da partııanyń saılaýda eń jo­ǵa­ry nátıjege qol jetkizgen óńir­lik fılıaldary ókilderi óz aımaq­tarynda saılaýshylardyń belsen­dilikpen daýys bergenin aıta kele, Elbasyn, barsha nurotandyqtardy jeńisterimen quttyqtady. Sondaı-aq, sharada jurtshylyq Elbasymen birge «Atameken» jáne «Vesna na Zarechnoı ýlıse» fılminde aıtylatyn ándi qo­sy­la shyrqady. Budan bólek, ánin A.Muhamedıuly, sózin M.Qa­sym­bekov jazǵan jańa «Maqtanyshym – Elbasym» áni de sátimen oryndaldy. Ásirese, osy ándi aıtý barysynda: «Qıyndyqty jeńgen, Qalyń eli sengen. Ǵasyrlardan ozǵan nar tulǵa. El bastaǵan kósem, Bolsyn aman-esen, Halyq úshin týǵan boz tulpar!» degen tusy shabyttana shyrqaldy. «Nur Otan» partııasynyń osynaý jeńisti sátin áýezdi ánmen, kóterińki kóńil-kúımen atap ótý ábden oryndy. О́ıtkeni, ulty­myzdy uıystyryp, kemel keleshekke bastap kele jatqan Elbasy basqarýyndaǵy bul saıası uıymnyń jeńisi barsha qazaqstandyqtar úshin dál qazirgi ýaqytta asa qajet. Al bul qajettiliktegi maqsat-múddeni halyq jaqsy túsinedi. Joldybaı BAZAR, «Egemen Qazaqstan».