Qurmetti baýyrlar, otandastar!
Barshalaryńyzdy kún men túnniń teńesken, Shyǵys halyqtarynyń merekesi bolǵan, ejelgi zamannan qalyptasqan jylbasy – Naýryz meıramymen quttyqtaımyn!
Bul kúni halqymyz dastarqan jaıyp, qonaq kútip, qarııalarymyz bata beredi. «Ulys oń bolsyn, aq mol bolsyn!» – degen tilek-duǵalar aıtylatyn Naýryz – birliktiń, yntymaqtyń, bereke men tatýlyqtyń merekesi.
Bul kúni arazdasqandar – adamgershilik, renjiskender – raqymdylyq jolyn ustanady. Osynaý izgilik merekesinde adamdar keshirimdilikke, tatýlyqqa uıysady.
Ulystyń uly kúni bizdiń elimiz úshin árqashan kıeli sanalǵan. Halqymyz Naýryz meıramyn ata-babamyzdan jalǵasyn taýyp kele jatqan ulttyq mereke, salt-dástúrimizdiń jalǵasy dep toılaıdy.
Otbasylaryńyzǵa amandyq, denderińizge saýlyq, jumystaryńyzǵa bereke tileımin.
Alla Taǵala rızyq-nesibemizdi molaıtyp, birlik-berekemizdi arttyrǵaı. Naýryz merekesi qutty bolsyn!
Jaratýshy Iemiz Táýelsizdigimizdi baıandy etip, halqymyzdyń tilegin qabyl etkeı! Ámın!
Erjan qajy MALǴAJYULY,
Qazaqstan musylmandary dinı
basqarmasynyń tóraǵasy, Bas múftı.