«Qazaqstan Respýblıkasynyń Joǵary Sot Keńesi týraly» Qazaqstan Respýblıkasynyń Zańynaózgerister men tolyqtyrýlar engizý týraly
1-bap. «Qazaqstan Respýblıkasynyń Joǵary Sot Keńesi týraly» 2008 jylǵy 17 qarashadaǵy Qazaqstan Respýblıkasynyń Zańyna (Qazaqstan Respýblıkasy Parlamentiniń Jarshysy, 2008 j., № 20, 80-qujat) mynadaı ózgerister men tolyqtyrýlar engizilsin:
1) 2-baptyń 1-tarmaǵy mynadaı mazmundaǵy 6-1) tarmaqshamen tolyqtyrylsyn:
«6-1) Joǵarǵy Sot Tóraǵasynyń usynýy boıynsha Joǵarǵy Sottyń, jergilikti jáne basqa da sottardyń qyzmetin uıymdastyrýshylyq jáne materıaldyq-tehnıkalyq qamtamasyz etý jónindegi ýákiletti organnyń basshysy qyzmetine kandıdatty taǵaıyndaýǵa jáne ony qyzmetten bosatýǵa kelisim berý týraly máseleni zańnamada belgilengen tártippen qaraıdy;»;
2) 10-baptyń 5-tarmaǵy mynadaı redaksııada jazylsyn:
«5. Komıssııanyń qyzmetin qamtamasyz etýdi Keńes apparaty men Joǵarǵy Sottyń, jergilikti jáne basqa da sottardyń qyzmetin uıymdastyrýshylyq jáne materıaldyq-tehnıkalyq qamtamasyz etý jónindegi ýákiletti organ júzege asyrady.»;
3) 14-bap mynadaı redaksııada jazylsyn:
«14-bap. Sýdıa qyzmetine konkýrs
1. Keńestiń jergilikti jáne basqa da sottyń sýdıasy qyzmetine taǵaıyndaý týraly usynymy konkýrstyq qaraýdyń nátıjeleri boıynsha beriledi.
2. Joǵarǵy Sottyń, jergilikti jáne basqa da sottardyń qyzmetin uıymdastyrýshylyq jáne materıaldyq-tehnıkalyq qamtamasyz etý jónindegi ýákiletti organnyń sýdıa qyzmetine bos orynnyń ashylǵany týraly usynysy Keńestiń konkýrsty ótkizýi úshin negiz bolyp tabylady.
3. Sýdıanyń bos ornyna ornalasýǵa kandıdatýralardy irikteý jónindegi konkýrstyń ótkiziletin merzimi men orny týraly habarlamany Joǵarǵy Sottyń, jergilikti jáne basqa da sottardyń qyzmetin uıymdastyrýshylyq jáne materıaldyq-tehnıkalyq qamtamasyz etý jónindegi ýákiletti organ respýblıkalyq buqaralyq aqparat quraldarynyń resmı basylymdarynda konkýrsqa deıin keminde bir aı buryn qazaq jáne orys tilderinde jarııalaıdy.»;
4) 15-baptyń 3-tarmaǵyndaǵy «jáne zań mamandyǵy boıynsha keminde on bes jyl jumys ótili bar nemese keminde bes jyl sýdıa bolyp istegen jumys ótili bar» degen sózder «, zań mamandyǵy boıynsha keminde on bes jyl jumys ótili nemese keminde bes jyl sýdıalyq jumys ótili bar jáne tıisti oblystyq sottyń jalpy otyrysynyń oń qorytyndysyn alǵan» degen sózdermen aýystyrylsyn;
5) 16-bap mynadaı mazmundaǵy 3-1-tarmaqpen tolyqtyrylsyn:
«3-1. Keńes oblystyq sot sýdıalarynyń bos oryndaryna kandıdatýralardy tıisti oblystyq sottyń jalpy otyrysynyń oń qorytyndysy bolǵan kezde qaraıdy.»;
6) 18-bapta:
1-tarmaqtaǵy «jáne zań mamandyǵy boıynsha keminde on bes jyl jumys ótili bar nemese keminde bes jyl sýdıa bolyp istegen jumys ótili bar» degen sózder «, zań mamandyǵy boıynsha keminde on bes jyl jumys ótili nemese keminde bes jyl sýdıalyq jumys ótili bar jáne tıisti oblystyq sottyń jalpy otyrysynyń oń qorytyndysyn alǵan» degen sózdermen aýystyrylsyn;
2-tarmaqtaǵy «jáne zań mamandyǵy boıynsha keminde jıyrma jyl jumys ótili bar nemese keminde on jyl sýdıa bolyp istegen jumys ótili bar» degen sózder «, zań mamandyǵy boıynsha keminde jıyrma jyl jumys ótili nemese keminde on jyl sýdıalyq jumys ótili bar jáne Joǵarǵy Sottyń jalpy otyrysynyń oń qorytyndysyn alǵan» degen sózdermen aýystyrylsyn.
2-bap. Osy Zań alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Prezıdenti N.NAZARBAEV.
Astana, Aqorda, 2010 jylǵy jeltoqsannyń 29-y.