Sheteldikter bizdegi jańa jumys formasyn bilmeıdi eken

– Jambyl oblysynda 439 baıqaýshy jumys jasaýda, – deıdi bizben áńgimesinde Saılaýdy baıqaý jónindegi respýblıkalyq qoǵamdyq komıssııanyń Jambyl oblysy boıynsha óńirlik orta­lyǵynyń tóraıymy Parıda Ma­medova. О́ńirde 465 saılaý ýchaskesi bar. Túske deıin óz basym oblys ortalyǵyndaǵy 23 ýchaskege baryp keldim. Tańǵy saǵat 10-00-ge deıin saılaýshylardyń 22 paıyzy daýy­s berip úlgerdi. Al túske deıin 43 paıyzy daýys berdi. Jambyl oblysyndaǵy saılaýshylardyń sany 525 myńnyń ústinde. Osy ýaqytqa deıin tártip buzýshylyq tirkelgen joq. О́ıtkeni, biz baqy­laýshylarmen telefon ar­qyly baılanysqa shyǵyp, bar­lyq jaǵdaıdy turaqty baqy­lap otyrdyq. Tipti, oblys or­ta­lyǵynan shalǵaı jatqan eldimekenderdegi saılaý ýchaskelerine de telefondar qoıylǵan. Salystyrmaly túr­de aıtatyn bol­saq, ót­ken jylǵy saı­laý­­da Qordaı já­ne Mo­ıynqum aý­dan­da­ryndaǵy keıbir shal­ǵaı aýyldaryna telefon baılanysy bolmaı, kedergiler týyndap edi. Bıyl ondaı ke­dergiler joqtyń qasy. – Baıqaýshylardy qalaı jasaqtadyńyzdar? – Bizdegi SOLL-ortalyǵynda jas eriktiler jumys jasaýda. Al, jalpy bizdiń komıssııanyń quramy jastar ǵylymı-zert­teý ortalyǵynyń aıasynda ja­saqtaldy. Onyń 4-eýi shtattyq birlik boıynsha jumys atqarsa, qalǵandary eriktiler. Sondyqtan, ýchaskelerdegi ár­túr­li jastaǵy 439 baı­qaý­shynyń 70-i jas­tar. Eriktiler aqyly túrde jumys jasaýda. Jumys saılaýǵa deıin júrgizildi, qı­yndyqtar da boldy. Qujattardy jınaý, aqparattyq-na­sıhattyq ju­mys­tar degendeı. Daıd­jest boıynsha aq­parattardyń zań­dy­lyǵy, durystyǵy ret­telip otyrdy. Baıqaǵanym, jyl saıyn aza­mattardyń saıası saýaty men má­denıeti kóterilip keledi. Mu­nyń qatarynda birqatar zertteý­ler de júrgizdik. Sońǵy eki jyl­dyń ishinde júrgizgen saýalnamalarymyzda negizinen saı­laýǵa kelýshilerdiń 41-43 paıy­z­­y óz erkimizben, al 13 paıyzy ba­s­shylardyń nemese jumystan májbúrlep jiberetindigin aıtqan-dy. Al sońǵy júrgizgen saýalnamada sońǵy kórsetkish 8 paıyzǵa deıin tómendegen. Bul degenińiz saılaýshylardyń azamattyq pozısııanyń naqtylyǵyn kór­setedi. О́z erkimen kelip daýys be­retinderdiń kórsetkishi 80 paıyz­ǵa deıin artty. – Saılaý jumysyn qadaǵalaý úshin basqa memleketterden qansha baqylaýshy keldi? – Uzaq merzimge kelgen halyqaralyq baıqaýshylardyń sany ekeý. Olar Avstrııa men Fınlıandııa memleketiniń ókilderi. Al qysqa merzimge kelgender Qyrǵyzstan memleketinen ekeý, Reseıden ekeý jáne Japonııa memleketinen ekeý. Sondaı-aq, saılaý ýchaskelerinde Danııa men Ulybrıtanııa memleketinen kelgen baıqaýshylar da júr. EQYU ókilderi de bar. О́tken jyly Prezıdent saılaýyna Germanııa men Shvesııa memleketinen kelgen halyqaralyq baıqaýshylar bizdiń komıssııanyń jumysyna óte joǵary baǵa bergen edi. Shyndyǵynda, keıbir sheteldik baıqaýshylar Qazaqstanda osyndaı úlken qoǵamdyq baqylaý komıssııasynyń jumys jasaıtynyn da bilmeıtin bolyp shyqty. Al bizdegi komıssııanyń jumys jasap jatqanyna bıyl on jyl tolady. Sonyń ishinde, sońǵy eki jyldyń kóleminde saılaý ýchaskelerinde qoǵamdyq baıqaýshylardy aqyly túrde tartyp, 100 paıyz jumys júrgizilip keledi. – Áńgimeńizge rahmet. Áńgimelesken Oralhan DÁÝIT, «Egemen Qazaqstan». Jambyl oblysy.