Tatýlyq týy berik tuǵyrda

Qazaqstan halqy Assambleıasy óziniń 21 jyldyq tarıhynda keshe Beıbitshilik jáne kelisim saraıynda úshinshi ret Parlament Májilisine Konstıtýsııanyń 51-babyna engizilgen 2007 jylǵy ózgeristerge sáıkes 9 depýtatyn saılady. Saǵat týra 11.00 bolǵanda Qa­zaq­stan halqy Assambleıasynyń Tóraǵasy, Elbasy Nursultan Nazar­baev ta kelip, QHA Keńesi usyn­ǵan kandıdattarǵa daýys berdi. Osy­dan keıin Prezıdent saılaý bary­syn baıqaýǵa kelgen otandyq jáne sheteldik baıqaýshylarmen áńgi­melesti. Sonymen qatar, Nursultan Nazarbaev Qazaqstan halqy Assambleıasynyń múshe­lerimen jáne depýtattyqtan úmitkerlermen kezdesti. Áńgime barysynda Memleket basshysy bul ınstıtýttyń biregeıligin, sonyń arqasynda Qazaqstan 20 jyl boıy tynyshtyq pen tatýlyqta ómir súrip, ósip-órkendep kele jatqanyn atap ótti. Assambleıa 100-den asa etnos ókilderi atynan ózderiniń múd­desin qorǵaıtyn 9 depýtatyn saı­laıdy. Respýblıkamyzdyń bar­lyq oblystarynda Dostyq úı­leri jumys isteıdi, bizde 960-qa jýyq etnomádenı birlestik bar. Jas­tarǵa, balalarǵa óz tilin, mádenıeti men tarıhyn oqyp-úırený múm­kindigi berilgen. Sol arqyly biz búkil Qazaqstan halqynyń rýhanı qajettigin baıyta túsemiz. Mundaı tájirıbe esh jerde joq. Álemniń ár túkpirinen kelgen baıqaýshylar Assambleıanyń biregeı tájirıbesin ózge elderge taratý kerektigin aıtýda. Biz memleketimizdi sizdermen bir­ge quryp jatyrmyz, bizdiń or­taq mindetimiz – Qazaqstandy bá­ri­miz úshin jaıly mekenge aınaldyrý, dedi Nursultan Nazarbaev. Sóıtip, Qazaqstan halqy As­sam­­ble­ıasynyń kezekten tys HHIII sessııasyna kelgen uıym músheleri eldiń eń joǵarǵy zań shyǵarýshy organyna kezekti ret ózderiniń ókil­derin saılady. QHA-nyń bar­lyq múshesi 446 adam bolsa, keshe­gi saılaýǵa sonyń 372-si qatys­ty. Qa­jetti kvorým bolǵan soń Qazaq­­stan halqy Assambleıasy Tóra­ǵa­synyń orynbasary Eraly Toǵ­janov HHIII sessııany ashyq dep jarııalady. Aldymen sóz osy jıynǵa qaty­syp otyrǵan Memlekettik hatshy Gúl­shara Ábdiqalyqovaǵa beril­di. Ol óziniń qysqasha sózinde Qa­zaq­stan halqy úshin Assambleıanyń mań­yz­dy qoǵamdyq ınstıtýt bolyp otyr­ǵanyn atap ótti. Álemniń esh­bir elinde dál Qazaqstandaǵydaı jo­ǵary mártebege ıe bolǵan mun­daı uıym joq, bul bire­geı ıns­­tıtýt kópetnosty elimiz­diń bir­ligin nyǵaıtyp, tutasty­ǵyn arttyryp otyr. Ony sheteldik áleýmettanýshy mamandar da kórip, moıyndaýda jáne ózderiniń joǵary baǵasyn berýde. Kóptegen elder bizdiń As­sambleıamyzdyń tájirıbesin de úı­renýde. Byltyr biz osynaý bire­geı ınstıtýttyń 20 jyldyq mereı­toıyn keńinen atap ótip, elimiz­diń barlyq túkpirinde onyń qa­jet­tiligi zor ekendigine kózimizdi jet­kizdik. Sondyqtan da, onyń ómir­sheńdigi jyldan jylǵa arta túsýde, dedi óziniń sózinde G.Ábdiqa­lyqova. Sonymen qatar, Memlekettik hat­shy Assambleıa músheleri qatary­nan Parlament Májilisiniń tórtin­shi jáne besin­shi saılanymdarynda depýtat bolǵandar zań shyǵarý isine belsene aralasyp, etnosaralyq bir­likti kúsheıtip, tatýlyqty damytý baǵytyndaǵy zańnamalyq qu­jat­tar daıyndaýda paıdaly ister atqar­ǵanyn atap ótti. Sóziniń sońyn­da Memlekettik hatshy Assam­bleıa atynan depýtat bolyp saı­lanatyn úmitkerlerge zor tabys­tar tilep, olardyń kásibı bilik­tiligi men zor bilimderi zań shy­ǵarý isterine belsene arala­sýǵa múmkindik beretininen úmitti ekenin jetkizdi. Gúlshara Ábdiqalyqovadan keıin sóz Astana qalalyq saılaý ko­mıssııasynyń tóraǵasy Igi­lik Jalbyrovqa berildi. Ol Assam­b­leıa múshelerine saılaý prosesin júrgizýdiń tártibi, daýys berý bıýlletenderin qalaı toltyrý kerektigi týraly aıtyp berdi. Aıta ketetin jaıt, ústimizdegi jyldyń 26 aqpanynda Memle­ket­tik hatshy Gúlshara Ábdiqa­ly­qovanyń qatysýymen bolǵan QHA Keńesinde uıym atynan Máji­lis depýtattyǵyna 14 adam úmit­ker retinde atalǵan bolatyn. Sonyń ishinde Knıaz Mırzoev, Alek­sandr Baron, Zııatdın Kasa­nov, Talǵat Mamashev jáne Pavel Feo­dorıdı beseýi kandı­datý­­ralaryn depýtattyqqa usyný­dan óz erikterimen bas tartqan. Sóıtip, QHA Keńesi músheleri­niń daýys berýimen kelesi 9 adam úmitker retinde tirkelýge usy­nylǵan: 1.Roman Kım – Parlament Má­jilisi V saı­lanymynyń depýtaty; 2.Ah­med Mýradov – Par­lament Máji­lisi V saılanymynyń depý­taty; 3.Iýrıı Tımoshenko – Par­la­ment Májilisi V saılany­my­­nyń depýtaty; 4.Saýytbek Abdrah­manov – «Egemen Qa­zaq­stan» res­pýblıkalyq gazeti» AQ prezıdenti; 5.Vladımır Bojko – Qa­zaq­stan Respýblıkasy Ishki is­ter mı­nıstriniń orynbasary; 6.Natalıa Jumadildaeva – Qy­zyl­orda qa­lasyndaǵy oqýshy-jasós­pirim­­der mektebiniń dırektory, ob­lys­taǵy Analar keńesiniń tóraıy­­­my; 7.Shaımardan Nýrý­mov – Res­pýblıkalyq uıǵyr et­noor­ta­­lyǵynyń tóraǵasy; 8.Sha­kır Ha­­hazov – Dúngen etnomádenı or­talyqtary assosıasııasy bas­qar­­masynyń múshesi; 9.Narıne Mı­kae­lıan – Almatydaǵy armıan et­no­mádenı birlestiginiń tó­r­aıy­my. Endi osy azamattardyń esim­deri saılaý bıýlletenderine engi­zilip, daýys berý úderisine usy­nylyp otyr. Astana qalasy saılaý komıs­sııasy tóraǵasynyń sózinen keıin Qazaqstan halqy Assamb­leıasynyń músheleri Beıbitshilik jáne kelisim saraıynyń úshinshi qabatyndaǵy «Atrıým» zalyna 150 adamnan turatyn toptar­men daýys berýge shaqyryla bas­tady. Al «Opera zalynda» qalǵan Assambleıa múshelerine uıym­nyń 20 jyldaǵy jumystary týraly túsirilgen derekti fılm kórsetilip turdy. Barlyq saılaý úderisin osynda kelgen otandyq jáne sheteldik baı­qaý­shylar ózderiniń nazarynda us­tady. Daýys berý úderisi aıaqtal­ǵan soń úlken sheberlikpen uıymdastyrylǵan saılaý prosesi boıynsha olar eshqandaı zań-buzýshylyq bolmaǵanyn aıtty. Sonymen, Májilis depý­tat­ty­ǵyna Qazaqstan halqy As­sambleıasy atynan saılaýǵa tús­ken úmitkerler tómendegideı daýys­tar aldy: Saýytbek Abdrahmanuly Abdrah­manov – 345; Vla­dımır Kar­lovıch Bojko – 349; Na­talıa Va­sılevna Jumadildaeva – 343; Ro­man Ýhenovıch Kım – 346; Narı­ne Gamletovna Mıkaelıan – 336; Ahmed Seıdarahmanovıch Mýra­dov – 339; Shaımardan Ýsaı­­no­vıch Nýrýmov – 337; Iýrıı Evgenevıch Tımoshenko – 341; Sha­­kır Hýsaınovıch Hahazov – 342 daýys jınady. Astana qalalyq saılaý ko­mıssııasynyń tóraǵasy I.Jal­byrov barlyq 9 úmitker de tıis­ti daýystar jınap, uıym aty­nan Qazaqstan Parlamenti Máji­li­siniń depýtaty bolyp saılanǵany týraly hattama toltyrylǵanyn jarııalady. «Qazaqstan Respýblıkasynyń saılaý týraly» Konstıtýsııalyq zańynyń 94-1-babyna sáıkes, QHA múshe­leri daýys bergen Parla­ment Májilisiniń depýtat­taryn saılaý nátıjeleri Ortalyq saılaý komıssııasyna joldanady. Parlament Májilisiniń depý­tat­tyǵyna saılanǵan úmitkerlerdiń tizimin Ortalyq saılaý komıssııasy 27 naýryzǵa deıin resmı túrde jarııalaıdy. «Aldyn ala nátıjeler jarııalandy. Úmitkerlerimizdiń bári de Má­jilis depýtaty bolyp saılandy. Alaıda, negizgi qorytyndyny Orta­lyq saılaý komıssııasy shy­ǵa­ryp, olarǵa depýtattyq man­dat beretin bolady», – dedi Qazaq­stan xalqy Assambleıasy Tóraǵasynyń orynbasary Eraly Toǵjanov jýr­nalısterge. Osy arada biz Qazaqstan halqy Assambleıasynyń bir-eki múshesin áńgimege tartyp, ózderiniń saılaý úderisi týraly pikirlerin bilgen edik. Qazaqstan musylmandary dinı basqarmasynyń tóraǵasy, Bas múftı Erjan qajy Malǵa­jy­uly elimizdegi túsinistik pen ta­týlyqtyń túbegeıli bolýyn ózderi Alladan únemi tileıtinin aıtty. Sonymen qatar, Jaratýshy adamnan áreket bolýyn qalaıtynyn da jetkizip, Qazaqstan halqy As­sambleıasy sonyń ishindegi eń tıimdisi ekenin málimdedi. «Elba­synyń jeke bastamasymen quryl­ǵan bul qoǵamdyq ınstıtýt ózi­niń ómirsheńdigin kórsetip kele­di. Qazir ol Qazaqstandaǵy etnos­tar arasynda zor bedelge ıe bolyp otyr. Al onyń qatary­nan elimizdiń eń joǵarǵy zań shyǵa­rýshy organyna depýtat saılanýy bul uıymnyń bedelin asyra túsedi. Bul tatýlyq týynyń berik tuǵyrda ekendiginiń belgisi»,– dedi ol. Qazaqstandaǵy Ázerbaıjan mádenı ortalyqtary odaǵynyń prezı­denti Vıdadı Salahov Par­lament Májilisiniń depýtatty­ǵyna Qazaqstan halqy Assam­b­leıasy saılaǵan 9 úmitkerdiń bári de laıyqty tulǵalar ekenin aıtty. «Aldaǵy ýaqytta bul otandas­tarymyz óz saılaýshylarynyń úmitin aqtaıdy dep oılaımyn. Memleket basshysynyń qoldaýyna ıe bolyp kele jatqan Assambleıa – elimizdegi ózindik orny bar bedeldi uıym. Onyń aldyna qoıylyp otyrǵan mindetterdiń aýqymy keń. Halqymyzdyń birligin kúıttep, qoǵamymyzdaǵy turaqtylyqty nyǵaıta túsý maqsatynda qurylǵan Assambleıa jyl sa­ıyn damý ústinde. Bul qoǵamdyq ınstıtýttyń búgingi qyzmeti talaıǵa úlgi bolýda. Kezinde jan-jaqtan taǵdyrdyń taýqymetin arqalap kelip jetken, talaıǵa pana bolyp, kóptegen ult ókilderin baýyryna basqan Qazaq dalasy barshamyzǵa qut-meken bolsyn desek, bárimiz de yntymaqty bolýymyz kerek. Sonda ǵana biz Qazaqstandy kórkeıtip, ilgeri jyljytamyz»,– dedi V.Salahov. Jaqsybaı SAMRAT, Joldybaı BAZAR, «Egemen Qazaqstan».