Durys tańdaý adastyrmaıdy

Nazım NADIROV, M.Qozybaev atyndaǵy Soltústik Qazaqstan memlekettik ýnıversıtetiniń stýdenti: – Parlament Májilisi men máslıhat depýtattaryn saılaý naýqanyna qatysqan jastardyń joǵary saıası erik-jigerin erekshe bólip aıtar edim. Men osy kúni baıqaýshy mártebesine ıe bolǵan saılaý ýchaskesinde osyny ańǵardym. Aldymen jastar kelip, aıryqsha belsendilik tanytty. Demek, jas býyndy da elimizdiń bolashaq damýy beı-jaı qaldyrmaıdy degen sóz. Shynynda da, jahandyq daǵdarysqa qaramastan stýdent jastardyń oqýyna, demalýyna memleket tarapynan naqty qadamdar jasalyp keledi. Bıyldan bastap shákirtaqy kóbeıtildi. Osyndaı qamqorlyqtarǵa ispen jaýap berýdi,qıyndyqtardy birlesip eńserýdi soltústikqazaqstandyq órender de jaqsy túsingendikten, saılaýǵa bir kisideı jumyldy. Durys tańdaý adastyrmaıtynyna, shynaıy demokratııalyq qundylyqtarǵa bastaıtynyna, ozyq otyz eldiń sapyna jetý jolyndaǵy qaryshty qadam bolyp tabylatynyna sendi. О́ńirde ornalasqan barlyq saılaý ýchaskelerinde daýys berý ádil, ashyq, zań buzýshylyqsyz, qalypty iskerlik ahýalynda ótti. Daýys berý barysyn kandıdattar men saıası partııalardyń senim bildirgen ókilderi, qoǵamdyq birlestik músheleri, halyqaralyq baıqaýshylar bastan-aıaq qadaǵalap, brıfıngterde jaqsy baǵa berdi. Buǵan deıingi saıası naýqandar tájirıbesin meńgerýimizdiń arqasynda daıyndyq jumystary úılesimdi júrgizildi. Sheteldik BAQ-tar Parlament Má­jilisi saılaýyn jarysa jazyp, zań talap­taryna saı uıymdastyrylýyn el ishin biriktiretin kúrdeli geosaıası úderis, qoǵamdy odan ári de­mokra­tııalandyrýdyń bir kórinisi retinde baǵalady. Alda Elbasy belgilep bergen aýqymdy bes ınstıtýttyq reformalardy júzege asyrý mindetteri tur. Jańa saılanǵan depýtattar Qazaqstannyń órkendeýi úshin asa mańyzdy sheshimder qabyldap, Parlamenttiń róli men bedelin kóterýge atsalysatyndary esh kúmán týdyrmaıdy. Soltústik Qazaqstan oblysy.  Sýretti túsirgen Talǵat TÁNIBAEV. Shynargúl Qaıyrova, Atyraý oblysy boıynsha Saılaýdy baıqaý jónindegi respýblıkalyq qoǵamdyq komıssııanyń óńirlik ortalyǵynyń tóraıymy: – Atyraý oblysynyń Saılaýdy baı­qaý jónindegi respýblıkalyq qoǵamdyq komıssııanyń 244 baı­qaýshysy  oblys boıynsha 234 saılaý ýchaskesinde bel­sendi jumys jasady. Daýys berý bary­sy taza, ádil jáne transparentti ótti. Saılaý ýchaskelerindegi jo­ǵary uıym­dasty­rýshylyq deń­geı, óńir azamattarynyń  saılaýǵa  kelý belsen­dilikteri  jáne barlyq partııalar men jergilikti máslıhat depýtattaryna kandıdattardyń senim bildirilgen adam­darynyń bizdiń baıqaý­shy­larymyzdyń qatysyp otyrýyna jáne daýys berý júrisin qadaǵalaýyna tolyq jaǵdaı jasalýy osynyń aıqyn dáleli. Nátıjesinde saılaý elimizdiń saılaý zańnamalaryna sáıkes, halyqaralyq standartqa saı ótti. Saılaýshylar óz eliniń, óz urpaǵynyń bolashaǵy úshin saılaýǵa keldi. Onyń mańyzyn, búgingi tańdaýdyń mańyzdylyǵyn tereń túsinetinin kórsetip, azamattyq ustanymdaryn baıqatty. ATYRAÝ. Altyn HÝAT, Qaraǵandy oblysyndaǵy №404 saılaý ýchaskesindegi táýelsiz baıqaýshy: – Parlament Má­ji­lisi men barlyq deń­geıdegi máslıhattar saılaýlaryna №404 saılaý ýchaskesinde táýelsiz baıqaýshylar qatarynda qatystym. Bizdiń maqsatymyz – saı­laýdyń demokratııalyq talap­tarǵa saı ótýin qadaǵalaý. Osy oraıda óz áriptesterimmen birge Qazaqstan Respýblıkasynyń «Saılaý týraly» Konstıtýsııalyq zańymen aldyn ala tanysyp shyq­tym. Ashyq, keń ǵımaratta otyryp, daýys berýdiń barlyq úderisin baqylaýǵa tolyq múmkindik aldyq. Saılaý barysynyń Qa­zaq­stan Respýblıkasynyń zańnamasyna sáıkes ót­kenin baıqadym. Saı­laýshylardyń esh­qaısysy daýys berýden tysqary qalǵan joq. Daýys berýge kelgen adamdardyń barlyǵy tizimnen tabyldy. Bul saılaý­shylardyń tizimi mu­qııat tekserilip, árbir saılaýshynyń daýys berý quqyǵyn paıdalana alýyna barlyq jaǵdaı jasalǵanyn kórsetedi. Sonymen birge, saılaý­shy­lardyń óz tańdaýyn jasaıtyn jeri ońashalanyp, bıýlletender salynatyn jáshikter ashyq, yńǵaıly jerge qoıyldy. Baıqaýshylardyń barlyq daýys berý barysyn tolyq qadaǵalaýǵa alýyna jaǵdaı jasaldy. Osylaısha, saılaý úderisi ashyq jáne barlyq demokratııalyq talaptarǵa saı ótti dep senimmen aıtýǵa bolady. QARAǴANDY.

Zań buzý faktisi tirkelgen joq

Nuraılym QAIYRBEKOVA, Saılaýdy baıqaý jónindegi respýb­lıkalyq qoǵamdyq komıssııa­nyń Almaty oblysyndaǵy óńirlik ortalyǵynyń múshesi: – Almaty oblysynda Parlament Májilisi men máslıhattar depý­tattarynyń saılaýy zańnama talabyna saı ótti. Qoǵamdyq negizde baqylaý Jetisý jerindegi barlyq saılaý ýchaskelerinde júrgizildi. Turǵyndar tarapynan eshqandaı túsinispeýshilik, ıá bolmasa zańǵa qaıshy áreket jasalǵan joq. Sóıtip, sanamyzdy serpiltken saıası naýqan óz máresine jetti. Naqtylaı tússem, Almaty oblysyndaǵy 931 saılaý ýchaskesinde birde bir zań buzý faktisi tirkelgen joq. Jalpy alǵanda, joǵaryda keltirilgen sanǵa enetin áskerı bólimder sekildi baıqaýshylardy kirgiz­beıtin 50 jabyq saılaý ýchaskesinde de turǵyndar óz tań­daý­laryn jasap, konstıtýsııalyq qu­qyq­taryna saı daýys berdi. Barlyq ýchas­kelerde zańdylyq talaptary saqtaldy. Eli­mizdegi tynyshtyq pen yntymaqtyń be­rik ornaǵandyǵyn bil­­diretin bul jumysqa óńirlik ortalyq músheleri ózindik úlesin qosty. Myńdaǵan saılaýshylar arasynda qandaı da bir keleńsizdik, túsinispeýshilik týyndap jatsa baıqaýshy mindeti dereý sýretke nemese beınetaspaǵa túsirip alyp, bolǵan jaıdy dereý saılaý komıssııasynyń tóraǵasyna baıandaýy, álbette zańnama sheńberinde akti toltyrýy kerektigi muqııat tapsyrylǵan edi. Qudaıǵa shúkir, ondaı oqıǵa oryn alǵan joq. TALDYQORǴAN.

Meniń baıqaǵanym – jasampazdyq qasıetter

Meırambek QIYQOV, Saılaýdy baıqaý jónindegi respýblıkalyq komıssııanyń Aqmola oblysyndaǵy óńirlik ortalyǵynyń múshesi: – Bıylǵy saılaý kóńilimdi jaqsy sezimderge bóledi. Áýelgide «siz saılaýdy baıqaý komıssııasyna múshe bolyńyz» degen usynys túskende ári-sári kúıde bolǵanym ras. «Halyq saılaýdyń mańyzyn túsinedi, onyń nátıjesimen bola­shaǵyn baı­lanystyrady. Muny baıqap, baqy­laýdyń qajeti qansha?» degendeı. Iá, demokratııalyq ustanymnyń talaby osy ekendigin de bilemin. Bizdiń mindetimiz – saılaýdyń el Konstıtýsııasynyń, Zańynyń deńgeıinde ótkizilýine septesý. Son­dyqtan, jasymnyń úlkendigine qaramastan, belgilengen barlyq is-sharalardyń ortasynda boldym. Aıtqandaı-aq, oblysymyzda mańyzdy naýqan joǵary deńgeıde ótkizildi. Eshqandaı oqys jaǵdaılar, tártiptiń burmalanýy kórinis bermedi. Buǵan kúmánim de joq edi. Meniń baıqaǵanym, halyqtyń saıası us­tanymynyń myq­ty­lyǵy,qaı jerde bolmasyn jerlesterimniń jasampazdyq qadam­darǵa jaqyn tura­tyndyǵy boldy. Osyǵan qýandym. Kókshetaý qala­syn­daǵy alty saılaý ýchaskesinde boldym. Saılaýshylar daýys berý kabınasynda uzaǵyraq turatyndy shyǵarypty. Demek, oılanatyn, erteńin boljaıtyn saılaýshy qalyptasty degen sóz. Jastar jaǵy qarııalarǵa óz kezegin berip jatyr. Keıbiri esikten baryp qarsy alyp, qurmet kórsetip jatty. Bular saılaý ýchaskesiniń músheleri emes, qarapaıym azamattar. Daýsyn apyl-ǵupyl bere salyp, úıine asyqqandar da kórinbeıdi. Kópten kórispegen aqsaqaldar men ájeıler, jumys­basty jas­tar úıirile qalyp áńgime aıtyp jatyr. Meniń paıym­daýymsha, kúıbeń tirlik emes, arnasy keń bolashaqtyń áńgi­mesi qozǵalyp jatyr. О́zim tańerteńgi daýys berý bıýlle­tenderin sanaý men keshki daýys qorytyndysyn shyǵarý isiniń bárin syrttaı baqylap turdym. Árkim óz sharýa­syn yń-shyńsyz atqaryp jatyr. Oblys saılaýshylary mańyzdy saıası naýqanǵa belsendilikpen qatysty. Úıge kóńilim ósip keldim. Aqmola oblysy. Sýretti túsirgen Ermurat Dosymov.

О́reli ıdeıa – ómirsheń

Edýard POLETAEV, Saı­laýdy baıqaý jónindegi respýb­lıkalyq qoǵamdyq komıssııanyń múshesi: – Saıası naýqan barysynda eli­mizdiń barlyq óńirlerinde bizdiń aldyn ala daıyndaǵan on myńǵa jýyq baıqaý­shylarymyz saılaý ýchaskelerinde óz min­­detterin minsiz oryndady. Olar básekeniń taza da ádil ótýin ba­qylady. Baıqaýshylar arqyly komıssııa saılaý úderisiniń barysy turǵysynda tolyqqandy aqparat jınaqtady. Báıge ataýlyda jeńimpaz anyqtalatyn bir zańdylyq bar. Rasyn aıtsaq, naýqan bastalar aldynda saıysqa bel býǵan partııalardyń barlyǵynyń da saılaýaldy daıyndyq áleýetteri teńdeı sekildi edi. Áıtse de, doda­ǵa túsken 6 partııanyń úsheýi jeńim­paz atanyp, Parlamentten oryn alatyn boldy. Bul partııalar belgili merzim ishinde ózderiniń atqarǵan is-sharalaryn zerdelep, qaı jerde qandaı kemshilikter jibergenin nemese qaı jerde qandaı utymdy sheshimder jasaǵanyn bilý úshin saraptama jasaǵany abzal. Bul arada Prezıdentimiz Nursultan Nazarbaev­­tyń bylaı dep aıtqanyn eske alǵan jón. «Par­lamentten tıisti oryn ala almaǵan partııalardyń saılaýaldy baǵdarlamasyndaǵy tyń ıdeıalardyń árqashanda ıgilik úshin paıdaǵa asýy kádik. Ol ıdeıa tekten-tekke jazylǵan joq, sondyqtan da, ol mindetti túrde júzege asady».  Meniń buǵan alyp-qosarym joq. Saılaý ótti, Ortalyq saılaý komıssııasynyń aqyrǵy sheshimin shyǵaratyn kún de alys emes. Naýqanǵa saıası baǵany elimiz, qoǵam beretin bolady.  Aıtarym, bizdiń baıqaýshylar óz mindetin abyroımen atqardy. ALMATY.

Keleńsizdikter kózge túspedi

Nagan BALABIEV, táýelsiz baıqaýshy: – Parlament Májilisi men túrli deńgeıdegi máslıhattarǵa depýtat tańdaý barysyn baıqaý úshin Qara­ǵandy oblysyndaǵy Nura aýdanynyń ortalyǵynda ornalasqan № 404 saılaý ýchaskesinde ótken daýys berý sharasyna táýelsiz baıqaýshylar qatarynda qatystym. Bizdiń maqsatymyz – saılaýdyń demokratııalyq talaptarǵa saı ótýin qadaǵalaý boldy. Osy oraıda, óz árip­testerimmen birge Qazaqstan Respýb­lıkasynyń «Saılaý týraly» Zańymen aldyn ala muqııat tanysyp shyqtym. Keń de jaryq ǵımaratta otyryp, daýys berýdiń barlyq úderisin baqylaýǵa múmkindik aldyq. Saı­laý barysynyń Qazaqstan Respýb­lıkasynyń zańnamasyna sáıkes ótke­nine kýá boldym. Eshqandaı zańbuzý­shy­lyqtyń tirkelmegenin aıtqym keledi. Qaraǵandy oblysy, Nura aýdany.

Jaqsy áser qaldyrdy

Samal IBRAIYMOVA, Saılaýdy baıqaý jónindegi respýblıkalyq qoǵamdyq komıssııanyń Jambyl oblysyndaǵy óńirlik ortalyǵynyń múshesi: – Qazaqstan Respýblıkasy Parlament Májilisiniń kezekten tys saılaýynda barsha otandastarymyz óz tań­daýyn jasady. Osy saılaý jumysyna baıqaýshy retinde qatysqandyqtan daýys berýge kelgen eldiń nópiri óte kóp bolǵanyn, tipti, birshama ýaqyt kezekke turýǵa májbúr bolǵanyn óz kózimmen kórdim. Alǵashqy bolyp kelgenderge syılyqtar usynyldy. Saılaýshylardyń bul naýqanda belsendilik tanytýy birligimizdi pash etip, birtutastyǵymyzdy dáleldegeni anyq. Osy saılaýda eldigimiz taǵy da eńselene tústi. Saılaý ýchaskelerinde bar­lyq jaǵdaı jasalǵan. Daýys berýshilerge degen qurmet óte joǵary boldy. Eshqandaı tártip buzýshylyq oryn alǵan joq. Jaýapty sátte bir jaǵadan bas, bir jeńnen qol shyǵaryp, birligimiz ben yntymaǵymyzdyń jarastyǵyn kórsete bilgen kópshiliktiń bul qareketi jaqsy áser qaldyrdy. Osy saılaý naýqanynda árbir aýylda, árbir aýdanda, árbir qalada shtab músheleri, baıqaýshylar, jastardyń erikti jasaqtary óte belsendi jumys istedi. Qalaı aıtsaq ta, judyryqtaı túıilgen kóp ultty, yntymaqty halyq eke­ni­mizdi osy naýqan taǵy bir dáleldedi.   Jambyl oblysy.