Parlament Májilisine jáne jergilikti máslıhattarǵa depýtattardy saılaý barysyna kóptegen pikirler aıtylyp, jeńimpazdardy quttyqtaýlar jalǵasýda. Bul turǵydan birqatar qoǵamdyq jáne úkimettik emes uıymdar ókilderi óz oılaryn ortaǵa salyp ta úlgerdi. Solardyń qatarynda Ardagerler keńesiniń jetekshisi Sháripbaı О́tegenov te boldy.
Ortalyq kommýnıkasııalar qyzmetinde ótken brıfıngte 2,5 myń qazaqstandyq áskerıdi biriktirip otyrǵan QR Aýǵanstan soǵysy jáne jergilikti soǵys ardagerleri odaǵynyń tóraǵasy Sháripbaı О́tegenov óz kezeginde Elbasy Nursultan Nazarbaevty jáne «Nur Otan» partııasyn elimizdiń joǵarǵy zań shyǵarýshy organyna depýtattardy saılaý barysyndaǵy qol jetkizgen aıqyn jeńisimen quttyqtady.
«Álemde jahandyq ekonomıkalyq daǵdarystar oryn alyp jatqan kezeńde lıderimiz eldi tyǵyryqtan alyp shyǵatyn jol tabatynyna senim mol. Sondyqtan, bolashaqqa nyq senimmen qarap otyrmyz», dedi Sháripbaı Ábdimálikuly. Onyń atap ótkenindeı, jańa depýtattyq korpýs memleketimizde parlamentarızmniń damýyna ózindik úlesin qosatyn bolady. Sóıtip, Prezıdent tarapynan júrgizilip jatqan reformalardy ári qaraı da tereńdete túspek. Al bul reformalar Elbasy tarapynan qolǵa alynǵandyǵy belgili.
Asqar TURAPBAIULY,
«Egemen Qazaqstan».