QARAǴANDY. 22 naýryz. Qaraǵandyda stýdent qyzy mas kúıinde kólik júrgizgen qala turǵyny hattama toltyrý kezinde polısııa qyzmetkerine qol jumsady. Bul týraly oblystyq ishki ister departamentiniń baspasóz qyzmetine silteme jasaǵan egemen.kz tilshisi habarlady.
Qaladaǵy joǵary oqý oryndarynyń birinde oqıtyn 21 jastaǵy stýdent qyzdy jol polısııasy mas kúıinde kólik júrgizdi degen kúdikpen toqtatqan bolatyn. Tekserý barysynda narkologııalyq ortalyqtyń mamandary kólik júrgizýshisiniń shynynda da spırttik ishimdik ishkenin rastady. Alaıda, stýdent qyz ben onyń ákesi polısııa bólimshesine baryp, ákimshilik hattama toltyrý týraly tártip saqshylarynyń talabyna kónbeı, olarǵa qarsylyq kórsetken. Naqtyraq aıtqanda, stýdent qyz urys-keris shyǵarsa, onyń ákesi polısııa qyzmetkerine judyryq jumsaǵan.
Qazirgi ýaqytta polısııa qyzmetkerleri qyz ben onyń ákesin jaýapkershilikke tartý týraly máseleni sheshýde.
Qaırat Ábildınov.
Derek: Qaraǵandy oblystyq ishki ister departamentiniń baspasóz qyzmeti.
Sýret: camry-club.kz.