Andreı Ivanov qazaq tilin Fransııada júrip-aq úırengen
Fransýzdyń belgili akteri Jerar Depardeniń aýdarmashysy Andreı Ivanov qazaq tilin Fransııada júrip-aq úırengen bolyp shyqty. Ras, Andreı Qazaqstannyń týmasy eken. О́skemen qalasynda týyp-ósken ol budan 7 jyl buryn Parıjge baryp turaqtapty. Bir qyzyǵy, Qazaqstanda júrgen kezinde nazar aýdarmaǵan tirligi – qazaq tilin úırenýdi ol osynda kelgennen soń qolǵa alǵan.
Andreı bala jasynda mýzykant bolýdy armandapty, biraq negizgi kásibi aýdarmashylyq bolyp shyqqan. Ol baıanda oınaýǵa qatty yqylasty bolypty, nátıjesinde fortepıano, baıan, goboı jáne skrıpka aspaptarynda oınaýdy úırenip alypty. Al ómir jolyn О́skemendegi óner kolledjinde halyq aspaptary fakýltetinde oqýdan bastaıdy. Ony bitirgen soń Almatyǵa kelip, konservatorııaǵa tapsyrady. Biraq oqýǵa túser aldynda kenet tap osy oqýdy oqyǵysy keletinine kúmándana qalady. Parkte oılanyp otyrǵanynda janynan afroamerıkalyq bir jigit ótip bara jatady. Sol sátte óziniń shetel tilderi fakýltetine oqýǵa túsýi kerek ekenin uǵyna qoıady. Bul ýaqytta ol fransýz tilin óz betinshe úırenip te júrgen eken. Sóıtip, Qazaq halyqaralyq qatynastar ýnıversıtetine qujat tapsyrady. Aqyrynda oqýǵa túsip te ketedi.
Al Parıjge kelgennen keıin fransýzdyń Sofı Marso, Jerar Deparde, Krıstofer Lambert, Emmanýel Bear, Patrısııa Kaas, Mıreı Mate, Mett Pokora syndy óner juldyzdarynyń, sondaı-aq, boksshy Maık Taısonnyń jattyqtyrýshysy Kevını Rýnıdiń aýdarmashysy bolady.
Rýslan Igilik.