«ATOM» jobasy aıasyndaǵy shara

«ATOM» jobasy – biraz jyldan beri júzege asyrylyp kele jatqan jahandyq ıadrolyq qarýsyzdanýǵa qol jetkizýdiń is-áreketteri men ustanymynyń dástúrin jalǵastyrǵan Prezıdent Nazarbaevtyń álemdik deńgeıdegi mańyzdy bastamasy ekenin atap aıtqan jón. Jaqynda Elbasynyń basta­ma­syna qoldaý kórsetý maq­satynda Abaı kitaphanasynda jıyn ótti. Sharaǵa «Nevada-Se­meı» ıadrolyq jarylysqa qar­sy qozǵalysynyń múshe­leri, zııaly qaýym ókilderi men Qazaqstan halqy Assam­bleıasynyń ókilderi qatys­ty. Shara barysynda «Kazah­s­tanskıı pýt k bezıadernomý mırý» dep atalatyn kitaptyń tusaýkeseri ótti. Kitap jazý­dyń ıdeıasy Nazarbaev zııatker­lik mektebiniń ustazy Ashat Jumabekovke tıesili, ol óz oqýshylarymen Qazaqstannyń Semeıden basqa da aımaqtaryna baryp, fızıkalyq quraldardyń kómegimen jer, sý, aýanyń qu­ramyndaǵy radıasııa mólsherin zertteýge kirisken bolatyn. «ATOM» jobasy arqyly olar Semeı óńirindegi po­lı­gonnyń radıasııalyq fony qalypty jaǵdaıda ekenin dálel­dep, basqa aımaqtardan eshqan­daı da aıyrmashylyǵy joq degen toqtamǵa kelgen eken, osy týraly kitapta jaqsy baıan­dalǵan. Kitaptyń birinshi bóli­mi Semeı polıgonynyń jaby­lýy men Qazaqstannyń álemdegi tórtinshi ıadrolyq-zymyrandyq nysannan bas tartqandyǵy jaıly aıtylǵan. Kitaptyń súıinshi danasy LAP LAMBERT Academic Publi­shing baspasynda (Germa­nııa) jaryq kórgen. Kitap­tyń ekinshi avtory – «Neva­da-Semeı» halyqaralyq antı­ıad­rolyq qozǵalysynyń vıse-pre­zıdenti, «Qurmet» ordeniniń ıegeri Sultan Kartoev. Jıyn­ǵa qatysýshylar Semeı polı­go­nynyń jabylýy men el Táýel­sizdiginiń 25 jyldyǵyna bıyl óz máninde atap ótý kerek degen biraýyzdy uıǵarymǵa keldi. Raýshan NUǴMANBEKOVA. SEMEI.