El erteńin aıqyndar qujat

Elbasymyz qandaı kezeń bolsa da árdaıym halyqtyń qamyn oılaǵan. Osyǵan Qazaq elin jańa damý belesterine kótergen qundy baǵ­dar­lamalarymen stýdent jas­tardyń sanasyna oılar tastap otyr. Mine, el damýynyń, ósip-ór­ken­deýiniń jańa belesinde Ult Josparyn jarııalady. Ýnı­ver­sıtetimizdiń jastary, us­taz­­dar qa­­ýymy muny qýana qup­tady. Bul baǵdarlamada Qazaq eli­niń urpaq bolashaǵy jolynda úlken bet­burysqa býǵany aıqyndalǵan.  El­basynyń Ult Jos­pary – eldiń er­teńi. Mańyzdy strategııalyq qujat. Áli esimde, 1995 jyly Semeı­ge arnaıy issaparmen Elbasymyz keldi, alqaly jıyn ótti. Oblys, aýdan, qala ákimderi, mekeme basshylary, aqsaqaldar jınalyp, Prezıdentimizdiń qatysýymen, IýNESKO kóleminde toılanatyn Abaıdyń 150 jyldyǵyn bıik dárejede ótkizý týraly ke­ńes ótti. Ol kezde men teh­no­lo­gııa­­lyq ınstıtýttyń rektory edim. Elbasyna jańadan salynyp jatqan Glınka kóshesindegi tehnologııalyq ınstıtýttyń, qa­zir­gi Shákárim atyndaǵy ýnı­versıtettiń 12 qabattyq jańa ǵı­maratyn kórsettik. Stýdentter úshin jańa ǵımarattyń salynýyna osylaısha Elbasy tikeleı yqpal etti jáne onyń jobasyn júzege asyrý, sóıtip, halyq ıgiligine qyz­met etý meniń ómirimdegi taǵy bir bıik belesti baǵyndyrý boldy. Bu­dan keıin Nursultan Ábishuly sport kesheniniń ashylý saltanatyna qatysty. Sonda tańǵalǵanym, Elbasy sýǵa júzý, voleıbol oınaý sııaqty sporttyń kóptegen túrlerin jaqsy meńgergen eken.  Elbasy menen «Semeıdiń tynys-tirshiligi, jaǵdaıy qalaı? Bul saparymnyń barysynda ózderińniń, ıaǵnı ha­lyqtyń qandaı tilegi bar, sony bilgim keledi?» dep surady. Men bylaı dedim: «Qurmetti Elbasy, qa­zaqta maqal bar: «Jaqsy kelse qut bolady» degen, sizdiń kelgenińiz biz úshin, árıne, jaqsylyqtyń nyshany, jastar bilim alatyn oqý orny ǵımaratynyń salynýy­na qarjy berildi. Qalanyń kó­sheleri de jınaqylanyp, tazaryp qaldy. Halqymyzdyń siz­ge degen senimi erekshe, sizdiń ke­lýińiz jaqsylyqtyń nyshany dep eńselerin tik ustap maqtanysh sezimde júr» dedim. Shynynda da, Elbasy el qamyn oılaıtyn birden-bir kóshbasshy. Prezıdentimiz óziniń kezekti Jol­daýynda ekonomıkalyq jáne áleý­mettik jetistiktermen qatar ósip kele jatqan jas urpaqqa erekshe kóńil bólgendigi qýantty. Bilimdi óndiriste jumys isteý arqyly shyńdaý kerek, oqý men eńbek egiz degen ǵoı. «Men jastarymyzdy jumysshy mamandyǵyn belsendi meńgerýge shaqyramyn. Jumysshy mamandyqtaryn meńgerý kerek. Kezinde men de jumysshy kıimin kııý­den bastadym, domna peshi ot-jalynynyń janynda turdym. Úlgi alyńdar! Jyldar ótedi, biraq, osy ómirlik tájirıbeleriń, sender qandaı ómir jolyn tańdap alsańdar da, mindetti túrde kádelerińe jaraıdy», degen jyly lebizdiń ózinde qanshama tereń maǵyna jatyr, tú­singen adamǵa. Sonymen qatar, Prezıdent rý men taıpaǵa bóliný ulttyq tu­tastyqtan aıyrylýdyń óte qaýip­ti túri bolyp sanalatynyn jetkizdi. «Qazaq shejiresiniń túpki mánin umytpaıyq. Alyp daraqtyń butaqtary sekildi, kúlli rýlardyń túbin qýa kelgende barlyǵy bir ǵana uly tamyrǵa, qazaq degen ultqa baryp tirelmeı me?», – dedi Nursultan Ábishuly. Shynynda da, jeti atany bilý kerek, ol tuqym tazalyǵyn saq­taý úshin. Máselen, kartopty bir jerge úsh jyl qatarynan ekseń, sol jerdiń ónimi usaqtalyp ketedi. Sondyqtan da, genetıka úshin, árıne, jeti atany bilgen jón. Biz, eń aldymen, birtutas Qazaq eli, qazaq eken­digimizdi umytpaǵanymyz jón. Bıylǵy Joldaýynda Memleket basshysy qaı shejireni alyp qarasań da ol qazaqtyń birligi men tutastyǵyn áıgileıtinin aıtyp ótti. «Bar­ly­ǵymyzdyń aıtyp júr­gen batyr babalarymyz: Qarasaı, Bógen­baı, Qabanbaı, Naýryzbaı, Ábilqaıyr, Abylaı – bular barsha qazaqqa ortaq jáne shejire bularǵa kelip tirel­meıdi. Shejireni ary qaraı júrgizeıik, sonda baryp, túbimizde bárimiz qanymyz bir qazaqtyń balasy bolyp shyǵamyz. Memlekettik kómek tek jaǵdaıy joq muqtaj adamdarǵa ǵana be­ril­ýi kerek. Kezindegi aýyl, dala qa­zaqtary búgingi jahandaný zamanynda otyryqshy qala qazaqtaryna aınaldy. Naryqtyń talaby sol, árkim jantalasa eńbek etý kerek. Eńbek ónimdi bolý úshin, adam ba­la­sy bilimdi, parasatty ári mádenıetti bolǵan jón. Qazaqstan Innovasııalyq ýnıversıtetinde bilim alý, eńbek etý jáne rýhanı izgilikti, ádepti bolý basty jolǵa qoıylǵan. Prezıdentimiz Nursultan Nazarbaevtyń  «Ult Jospary – qazaq­standyq armanǵa bastaıtyn jol» maqala­synyń qundylyǵy sol, ár adamdy tolǵandyryp júrgen máselelerdiń sheshimin tabýǵa jol ashqandyǵy, el sanasyna silkinis týǵyzǵandyǵy, keleshekke degen se­nimdi nyǵaıtqandyǵy der edim. Nádirbek ÁPSALIаMOV, ekonomıka ǵylymdarynyń  doktory, professor, Qazaqstan ınnovasııalyq ýnıversıtetiniń prezıdenti. SEMEI.