Qyzyǵýshylyq

Aqtóbe – jer asty qazba baılyq­tary­na baı óńir. Jeri keń, mal ósirýge qolaı­ly, mal azyǵyndyq jáne dándi daqy­l­dar óndirýge de jaǵdaı bar. Mun­da ekonomıkanyń egiz salasy – óner­kásip pen aýyl sharýashylyǵyn teń damy­tý­dyń múmkindigi mol. Sondaı-aq, ob­lys­ta ınvestısııa tartýǵa qolaıly ahýal qalyptasqan. Sondyqtan bolar, jańa jobalardy júzege asyrýǵa otan­dyq ınvestorlardy bylaı qoı­ǵanda, shetel­dikterdiń ózi nazar aýdarý­da. Buǵan jer­gi­likti bıliktiń osy baǵyttaǵy júıeli jumysy da alǵy­shart jasap otyrǵanyn atap ótken jón. Jaqynda Túrik Respýblıkasynyń bıznes qaýymdastyǵynyń ókilderi óńir­de birneshe iri jobalardy júzege asyrýǵa degen oımen keldi. Oblys ákimi Berdibek Saparbaev túrik kásipkerlerin qabyldap, osy baǵytta ózara oı bólisti. – Oblysta ınvestorlar úshin barlyq jaǵdaı jasalǵan. Ártúrli preferensııalar qarastyrylǵan, qajet bolǵanda memlekettik baǵ­darlamalardy paıdalaný múmkindigi bar. Bizdiń oblys – avto­mo­bıl joldary, temirjol jáne áýe qatynasy jaqsy damyǵan agrarly-ın­dýs­trııalyq óńir bolyp tabylady. Bar­lyq ınfraqurylymy júrgizilgen ındýstrııalyq aımaq jumys isteıdi, – dep atap ótti ol. Kezdesý barysynda budan arǵy yntymaqtastyq máseleleri talqy­landy, túrik bıznes ókilderi ózderi júzege asyrmaqshy bes iri jobamen tanystyrdy. Onyń ishinde Aqtóbe qalasynyń agrarlyq-ındýstrııalyq aımaǵynda jyldyq qýaty 7500 tonna bıologııalyq quramajem óndiretin zaýyt, 5,2 gektarǵa shampınon, qyzanaq ósiretin jylyjaı salynatyn bolady. Indýstrııalyq aımaqta syıymdylyǵy 2200 tonna batystyq tehnologııaǵa negizdelgen kókónis qoımasy iske qosylmaq. «Tades» kompanııasynyń bas­qarma tóraǵasy Erdınch Selvı azyq-túlik taǵamdary men toqyma buıym­daryn óndiretin iri tórt kásip­oryn­nyń qojasy bolyp tabylady. Iri kásipker aınaldyr­ǵan bes aı­dyń ishinde oblysta tórt óndiris ashýdy kózdeýde. Onyń biri erler kóı­lekterin tolyq sıkldy tigetin toqy­ma zaýytyn túrik kásipkeri úsh aıda paıdalanýǵa berýdi josparlaýda. Onyń aıtýynsha, joǵary sapaly daıyn ónimder ishki jáne syrtqy naryqqa qoljetimdi baǵamen ótkiziledi. Budan basqa, ol azyq-túlik taǵamdaryn óndiretin zaýyt salmaqshy. Nátıjesinde, 1000 jańa jumys orny ashylady dep kútilýde. Osy eki jobanyń óziniń quny 50 mıllıon AQSh dollaryn quaıdy. Sondaı-aq, Erdınch Selvı Aqtóbede jylyna 2 mıllıon tonna bıdaı, 500 myń tonna arpa, 500 myń tonna júgeri óńdep, makaron, jarma, taýyqtarǵa, malǵa beri­le­tin jem túrindegi daıyn ónimder óndi­re­­ti­n iri fabrıka salýdy qolǵa aatyn bolady. О́ńir bashysy óz kezeginde ınves­tor­larǵa jer telimin bólýge, qajet jaǵdaıda óndiristi iske qosýǵa mem­lekettik qoldaý kór­setiletinin atap óte kelip, bul joba­lar­dyń barlyǵyn qoldaıtynyn jetkizdi. Sheteldik ınvestorlar sapar aıasynda «Aqtóbe» ındýstrııalyq aımaǵynda bolyp, óńirdiń ınves­tııalyq múmkindigimen jáne áleýe­timen tanysty. Satybaldy SÁÝIRBAI, «Egemen Qazaqstan». Aqtóbe oblysy.