ORAL. 19 naýryz. Oral qalasyndaǵy Qadyr Myrza Álı atyndaǵy mádenıet jáne óner ortalyǵynda belgili jazýshy, dramatýrg, aýdarmashy, táýelsiz «Tarlan» syılyǵynyń ıegeri Rollan Seısenbaevpen «Ulylardy ulyqtaǵan tulǵa» atty kezdesý keshi ótti. Bul týraly inform.kz-ke silteme jasaǵan egemen.kz tilshisi habarlady.
Shara barysynda Batys Qazaqstan oblysy ákimdiginiń qoldaýymen basylǵan birqatar kitap oqyrmandarǵa tanystyryldy. Olardyń qatarynda Mahambettiń «Aınalaıyn Aq Jaıyq», Juban Moldaǵalıevtiń «Kisen ashqan», Qadyr Myrza Álıdiń «Kókpar», Qaırat Jumaǵalıevtiń «Kıe», Aqushtap Baqtygereevanyń «Qaıran qarlyǵashtar-aı» atty kitaptary bar.
Jazýshy Rollan Seısenbaev qazaq ádebıetiniń alyptary jóninde tebirene sóz qozǵap, olardyń muralaryn kózdiń qarashyǵyndaı saqtap, keıingi urpaqqa jetkizýdiń, talanttardy tirisinde qadirlep, tańdaýly shyǵarmalaryn tek Qazaqstan ǵana emes, sonymen qatar shet elderde de shyǵarýdyń mańyzdylyǵyn atap kórsetti. «Muhtar Áýezov qandaı uly jazýshy bolsa, keshegi ótken Ábish Kekilbaev ta sondaı deńgeıdegi tulǵa. Sol sııaqty Qadyr Myrza Álıdi biz keńinen nasıhattap, qurmetteı bilýge tıistimiz. Osy oraıda aqyn atyndaǵy ortalyq kıeli orynǵa aınalýy kerek. Mundaı ortalyq ázirge elde joq. Sondyqtan bardy qadirlep, ozyq dúnıelerimizdi kórsete bileıik», – dedi jazýshy.
Temir Qusaıyn.
Derek, sýret: inform.kz.